正宗印度餐廳及酒吧 (電氣道)

Open Now

Now Closed

好耐冇食印度菜， 非常懷念印度烤餅同埋乳酸飲品， 所以今日專登上網摷下邊度有印度菜食，見到呢間嘅食評都唔錯，大部分都贊好，於是兩個人膽粗粗搵上門， 喺門口見到個餐牌都幾吸引， 於是就坐低一試，中午時分人很少，店員姐姐態度殷勤 ，識少少中文 ，介紹我哋食呢樣嗰樣，餐廳裝修得好有特色， 滿佈印度裝飾品和圖畫，電視都播住關於印度嘅畫面， 感覺上係好地道。我哋為咗食烤餅同乳酸飲品而來， 當然就要點呢兩樣， 首先點咗兩款烤餅 ，牛油烤餅同蒜蓉烤餅各一， 芒果乳酸飲品兩大杯， 跟住就係主食， 揀咗炸咖哩羊肉角， 蘑菇雞， 本來揀咗印度燉羊肉， 點知搞錯咗， 上咗個牛油烤雞 ，一唔覺意食咗 ，咁就算啦。 變咗兩個菜都係雞， 有時唔係好明， 餐廳得兩三枱客， 加埋得五個人， 落單點菜都會搞錯， 幸好烤餅同乳酸飲品都符合我們的預期， 非常好味 ，製作出色， 烤餅係現烤 ，整得香脆煙韌 ，蒜蓉烤餅仲有啲芫茜香蔥 ，特別好味。 芒果乳酸飲品好傑好香 好大杯， 超好飲。 雖然價錢唔平 ，48蚊一杯， 但物有所值。 烤餅同乳酸飲品都值得推薦， 另一樣要讚嘅， 就係餐前小食， 薄脆筒加四款醬料， 薄荷，蒜蓉，辣椒