Video
Read full review
2021-08-03
1678 views
上網搵呢頭有咩印度菜餐廳，發現呢間都有唔少哈哈笑，位置都唔難搵店內播住印度MV，輕快節奏令人上身不期然想跟住郁。先送上歡迎小食: 薄脆帶鹹香味，口感鬆脆香口，點薄荷醬食帶點辣度，開開胃先。餐牌上提供大路印度菜式，想食或認知嘅都唔難搵到食物未到就先上飲品，黎食印度菜點可以唔叫杯Mango Lassi ($45)，仿佛係指定餐飲 (哈哈.....)，入口有香甜芒果味，加入乳酪增加香滑度，但又唔會太杰身喎; 友人就要了杯青檸梳打 ($38)，清新有氣又解渴!見到佢有特別菜單四款中就點咗呢客無敵釀鷄腿 ($158)，製作需要多點時間，但都值得嘅!以鐵板上菜，能夠保持食物熱度，一客三隻嘅釀鷄腿，飽滿札實鷄腿肉質嫩滑，釀入免治鷄肉，再混合薑蒜粒，加入不同香料及乳酪一齊醃製，最令人驚喜係加入紅蕃石榴粒，咬落爆開果汁，甜酸味道令整體味道再升格! 好味!!接住上枱嘅係咖哩羊肉 ($125)，基本上印度嘅咖喱都唔會太辣，食嘅都係食佢獨有香料嘅香味，每種地方煮嘅都有佢獨特之處，呢客根據餐牌上寫嘅係喀什米爾瑪莎拉中辣咖喱。羊肉份量唔算好多，炆到夠火候，啖啖肉唔會有太勁羶味，連我唔係太"好"羊肉都食到個咖喱汁
店內播住印度MV，輕快節奏令人上身不期然想跟住郁。先送上歡迎小食: 薄脆帶鹹香味，口感鬆脆香口，點薄荷醬食帶點辣度，開開胃先。
餐牌上提供大路印度菜式，想食或認知嘅都唔難搵到
食物未到就先上飲品，黎食印度菜點可以唔叫杯Mango Lassi ($45)，仿佛係指定餐飲 (哈哈.....)，入口有香甜芒果味，加入乳酪增加香滑度，但又唔會太杰身喎; 友人就要了杯青檸梳打 ($38)，清新有氣又解渴!
見到佢有特別菜單
四款中就點咗呢客無敵釀鷄腿 ($158)，製作需要多點時間，但都值得嘅!
以鐵板上菜，能夠保持食物熱度，一客三隻嘅釀鷄腿，飽滿札實
鷄腿肉質嫩滑，釀入免治鷄肉，再混合薑蒜粒，加入不同香料及乳酪一齊醃製，最令人驚喜係加入紅蕃石榴粒，咬落爆開果汁，甜酸味道令整體味道再升格! 好味!!
接住上枱嘅係咖哩羊肉 ($125)，基本上印度嘅咖喱都唔會太辣，食嘅都係食佢獨有香料嘅香味，每種地方煮嘅都有佢獨特之處，呢客根據餐牌上寫嘅係喀什米爾瑪莎拉中辣咖喱。
羊肉份量唔算好多，炆到夠火候，啖啖肉唔會有太勁羶味，連我唔係太"好"羊肉都食到
個咖喱汁勁多，味道偏香少辣，果然每個國家煮佢地嘅咖喱都各有特色，偏甜偏辣偏香料都大不同，就係煮咖喱嘅好玩之處!
有咖喱又點少得Naan，呢度嘅Naan選擇都幾多，呢款係芝士薄餅 ($28)，加入埋我喜愛嘅芝士，單食可以食到芝士味，邊位帶脆身而中間係軟綿口感。
Naan質感厚身，好啱用嚟點咖喱食，亦可緩衝一下佢嘅濃味。
用餐後擔心食完濃味食物有口氣問題?! 可以試下呢兩碟印度食材，清新一下口腔味蕾!
Post
