Video
Read full review
2024-04-23
277 views
🔸Tagline Bar & Restaurant🔸🔆各位觀眾！係第一間滿分餐廳呀，但真係估唔到我第一間滿分餐廳係會比左印度菜，我本身都唔係好常食印度野，估佢唔到一撃即中！好食！跟住大家就聽下佢有咩咁正啦！！！！🔆依間餐廳有份室外同室內地方，室外就有氣氛d，而室內空間就唔算好大，但都好雅緻同坐得舒服。今次我就同朋友揀左坐係室內。職員好熱情同friendly，成程飯都唔會有壓力。👍薄脆餅 Roasted Papad係你咩都未叫之前，佢地會送一份前菜比你先，係印度薄脆餅，就，佢個名已講哂一切，就係薄同脆，就咁食會帶啲鹹香，佢地仲會將個薄脆餅卷食一個圓錐體，食落更有口感。隨住薄脆餅會有2個醬一齊上，黑色的醬有啲甜甜辣辣，加埋少少燻香味，係相對濃味嘅醬，而薄荷醬味道微香，偏淡不膩。隨你揀。👍印度式煮雞肉 (中辣) Kadai Chicken $128我地本身有啲擔心個中辣會好辣，唔啱我地食，點知佢嘅中辣對我地黎講啱啱好，有辣嘅刺激感，而且唔係個種好long lasting的辣，點到即止，真係啱啱好。個雞肉好嫩滑，軟身，配埋個辣嘅咖哩真係好Yum。👍原味烤餅 Plain Naan $28咁叫左咁
🔆各位觀眾！係第一間滿分餐廳呀，但真係估唔到我第一間滿分餐廳係會比左印度菜，我本身都唔係好常食印度野，估佢唔到一撃即中！好食！跟住大家就聽下佢有咩咁正啦！！！！
🔆依間餐廳有份室外同室內地方，室外就有氣氛d，而室內空間就唔算好大，但都好雅緻同坐得舒服。今次我就同朋友揀左坐係室內。職員好熱情同friendly，成程飯都唔會有壓力。
👍薄脆餅 Roasted Papad
係你咩都未叫之前，佢地會送一份前菜比你先，係印度薄脆餅，就，佢個名已講哂一切，就係薄同脆，就咁食會帶啲鹹香，佢地仲會將個薄脆餅卷食一個圓錐體，食落更有口感。隨住薄脆餅會有2個醬一齊上，黑色的醬有啲甜甜辣辣，加埋少少燻香味，係相對濃味嘅醬，而薄荷醬味道微香，偏淡不膩。隨你揀。
👍印度式煮雞肉 (中辣) Kadai Chicken $128
我地本身有啲擔心個中辣會好辣，唔啱我地食，點知佢嘅中辣對我地黎講啱啱好，有辣嘅刺激感，而且唔係個種好long lasting的辣，點到即止，真係啱啱好。個雞肉好嫩滑，軟身，配埋個辣嘅咖哩真係好Yum。
👍原味烤餅 Plain Naan $28
咁叫左咁大個咖喱，都無理由唔要個Naan黎食下，一份Naan有4塊。我同朋友都勁中意食Naan，係中意到，可以咩都無就咁啪。而佢個Naan好香麵團味，夠厚身但又唔會乾，點埋個咖喱，中和左個咖喱濃味，好平衝，既有麵團香又有咖喱嘅香辣。我地覺得好食到忍唔住再叫多一份Naan呀！
👍烤雞肉串 Shish Touk $158
上到枱就見到佢叉住2串雞肉，店員會比我地打完卡之後就會放哂啲雞肉落黎，方便大家夾。我一開始仲好擔心2個dishes都係雞，會唔會好悶/食極都係個隻味。但唔會，因為佢個雞肉串食落係有股炭燒嘅味道，肉質仲保持到嫩滑彈牙，味道會比起咖喱雞清淡一點，但仍然有印度菜嘅一貫作風，用唔同嘅香料醃製雞肉，惹味。
👍吱吱作響的布朗尼 Sizzling Brownie $118
佢地唔知做緊咩promote，你只要係google比comment佢地，佢地就會免費送你一份甜品，個店員係咁推介我地依個最貴的Brownie，仲話會比個大啲嘅雪糕我地。笑死我。咁上到菜見到個Brownie同Vanilla雪糕都係小鐵pan上面，店員仲係咁叫我地拎相機。原來佢會點火上個Brownie到，睇到我地嘩嘩聲呀。個甜品真係好好食，Brownie暖暖的，仲有d好似chocolate chips的口感係入面，朱古力味濃，加埋清香而又唔過份甜嘅Vanilla Ice Cream，真係好幸福，好完滿。
👍Mango Lassi $42
順滑，芒果味濃，飲到乳酪奶味。
👍Lychee Rose Martini HH $57
勁香甜，透出輕輕玫瑰味，好易入口同好有少女嘅感覺🤣🤣
🔆Overall CP值真係好高好高，又唔貴又好食，要比5星啦！！！
🔆Pleasure指數（滿分5粒🤩）
🐭小姐：🤩🤩🤩🤩🤩
📌地址：尖沙咀寶勒巷10號10 PRAT 4樓
🎐Foods are powerful🎐
#Pleasure食
#Pleasure尖沙咀
#Pleasurer
#hkfoodie #foodie #hkfood #hkeat #food #foodstagram #hongkongfood #tsimshatsui #indianfood #naan #curry #comfy #delicious #lassi #尖沙咀 #印度菜 #尖沙咀美食推介 #尖沙咀美食 #咖哩 #印度 #拍拖好去處 #朋友聚餐 #好食 #美食推介 #吹水好地方 #tagline @taglinehk
Post
