Ebeneezer's Kebabs & Pizzeria (紅磡花園)

Open Now

Now Closed

我發覺印度薄餅好食過意大利皮蕯，大概係因為印度香料既關係。今次公司午餐有人萬歲叫網上外賣平台就搵左呢間連鎖餐廳，但就無叫招牌Kebab。（網上外賣平台外賣全單八折，以下係App上原價，只供參考，絕對有別於堂食價錢）Meat Express 嗜肉者薄餅（大）$210，配料有燒羊肉，燒雞肉，雞肉串燒，洋蔥，蕃茄及黃椒，另外加芝士 $20，菠蘿 $14.4。一打開盒蓋已經聞到香味，真係好多肉，幾濃羊羶味，好食！不過加錢得果幾粒菠蘿就真係唔抵…Shrimp 鮮蝦薄餅（標準）$132呢個無額外加料，就咁蝦，洋蔥，黃椒及蕃茄。見到好多芝士，加埋爽口蝦肉，好味。每個Pizza跟兩盒辣椒碎及香草碎，可埋落去都唔係好食得出。特色乳香咖哩串燒雞肉 $92 加$11跟煎餅，另外叫左份#奶油烤餅 $29，咖哩質感杰少少，唔覺辣亦唔重奶味，但係好味道，點煎餅或者烤餅都好夾！雞肉都嫩滑又入味。希臘沙律配燒羊肉 $114，除左蕃茄青瓜生菜之外仲有Feta Cheese，同好多燒羊肉，醬汁辣辣地，好開胃！.餐牌上肉類只得雞同羊，所以咖哩，沙律同薄餅都好似重複緊個配搭，唔食羊肉既同事真係唔好意思。