峇峇娘惹 (MOSTown新港城中心(4期)) (Closed)

馬鞍山新開了一間峇峇娘惹，剛由新加坡回來的我，當然要去比較吓啦。噢！要排隊等位添，由於是晚飯時間，我們一等就等左成个鐘。我們叫了脆皮燒肉叻沙，賣相不錯，幾片燒肉加芽菜，配青檸，不知是否星加坡叻沙比較濃味，所以返黎食覺得偏淡。至於炒貴刁，就真係不建議再点啦，完全冇特色。淡而冇味😥另外叫了小食五香豬肉卷，炸得脆口，五香味不重，豬肉加红蘿蔔做餡料，配上酸汁，味道一般啦。最後是沙巴甜酸魚，期望是酸酸甜甜，洋蔥配菜，顏色就好好，食落就一点也不酸，什至淡，所以只食到淡淡的魚，唔算好開胃😅不知它們是否提倡健康菜，所以樣樣都偏淡，還是㕑師太輕手呢？最後飲埋杯拉茶先，好彩有一樣泊得住地道菜，拉茶味道不錯，夠滑👍3人食左$250，整體環境不錯，自助斟水，食物就非常一般，但由於是新開張，有机會我試多一次。如果這是娘惹菜特色，咁就不是我杯茶啦。