Video
Read full review
2020-11-15
3203 views
又喺老婆返興趣班，得一支公開飯嘅日子，雖然得一個，好處就自由啲，想食乜就揀食乜，所以，過咗嚟大角咀。原本聽朋友介紹，埃華街有家好正嘅台灣菜小店「那個」，但門口排隊嘅人龍長到呢……，所以，行一轉埃華街，最後就揀咗「銘興山西刀削麵 」，一來即時上網睇睇，都幾多好評，二來刀削麵都有特色，睇落定價又好相宜。其實，從鋪外向內打量，已見到鋪內光猛企理，地方大又唔逼，尤其依家疫情都仲有啲，個環境喺點都喺幫唔幫襯嘅考慮之一。唔喺講笑，有啲餐廳視防疫如無物，啲枱櫈依然咁逼，啲隔板矮到喺得個樣，有啲仲擺到明叫你搭枱。 行到餐廳最入，就喺廚房，透過玻璃窗，可以欣賞到師傅削麵，麵條都喺新鮮製作。 餐牌喺揭頁式，揭吓揭吓原本選擇甚多，先喺有啲招牌推仲啦，唔想煩，又或有選擇困難症，就不妨晌度埋手。 基本嘅，有單拼上湯刀削麵套餐、精選飯餐、風味及麻辣小食，飲品方面就較為港式嘅。另外，有同「阿華田」合作，提供兩款爆脆特飲，小弟就試咗其中一款，下文再講。 此外，仲有幾款特色刀削麵套餐，我就認為吸引啲喇，包括：熱拌刀削麵套餐、麻辣冷刀削麵套餐、溫泉蛋木耳刀削麵套餐、麻辣雜菌刀削麵套餐，可謂各有賣點。 酸蘿蔔（免費）一大
其實，從鋪外向內打量，已見到鋪內光猛企理，地方大又唔逼，尤其依家疫情都仲有啲，個環境喺點都喺幫唔幫襯嘅考慮之一。唔喺講笑，有啲餐廳視防疫如無物，啲枱櫈依然咁逼，啲隔板矮到喺得個樣，有啲仲擺到明叫你搭枱。
行到餐廳最入，就喺廚房，透過玻璃窗，可以欣賞到師傅削麵，麵條都喺新鮮製作。
餐牌喺揭頁式，揭吓揭吓原本選擇甚多，先喺有啲招牌推仲啦，唔想煩，又或有選擇困難症，就不妨晌度埋手。
基本嘅，有單拼上湯刀削麵套餐、精選飯餐、風味及麻辣小食，飲品方面就較為港式嘅。另外，有同「阿華田」合作，提供兩款爆脆特飲，小弟就試咗其中一款，下文再講。
此外，仲有幾款特色刀削麵套餐，我就認為吸引啲喇，包括：熱拌刀削麵套餐、麻辣冷刀削麵套餐、溫泉蛋木耳刀削麵套餐、麻辣雜菌刀削麵套餐，可謂各有賣點。
酸蘿蔔（免費）一大罌放晌枱上，落好單，正正可以夾啲嚟食，開開胃。啲蘿蔔醃得酸香唔嗆喉，咬落「索索聲」，超爽脆，越食越開胃。
豬軟骨麻辣雜菌刀削麵 $56 雖然叫麻辣咋，但查實可以款辣嘅，揀咗配豬軟骨，如果再想加餸都我，每款$9。唔喺講笑，碗刀削麵非常之大碗，面頭仲鋪滿晒雜菌同生菜，而豬軟骨喺另外碟上，唔喺得兩、三嚿，呢個價錢仲包埋基本熱飲，真心抵。
豬軟骨麻辣雜菌刀削麵
$56
29 views
0 likes
0 comments
奶茶脆爆 +$8 與其飲普通熱飲，不如加點錢試試呢一款同「阿華田」聯乘嘅新飲。基本上，喺一般嘅凍奶茶底，再灑下大量嘅朱古力脆脆片，本身奶茶都仲泡得唔錯，濃郁有茶香，而脆脆片好脆口，夾埋又唔會話唔夾喎。
奶茶脆爆
$8
33 views
0 likes
0 comments
Post
