Video
Read full review
2021-04-16
774 views
之前住係粉嶺，難得搵到間cafe，試過佢哋嘅 All Day Breakfast 同咖啡後便愛上，所以即使宜家搬咗去馬鞍山，我同老公都會專登揸車返去幫襯😆先講講佢哋嘅食物，我鍾意佢哋有多款All Day Breakfast 選擇，覺得佢哋嘅牛角包同炒蛋好出色，尤其個炒蛋，夠晒滑！配埋啲豬柳，腸仔，乳酪等就啱啱好！每個餐大概$5x - $6x, 真心抵。然後就係我最鍾意嘅咖啡！佢哋嗰度好多選擇，好多出面試唔到嘅，例如乳酪咖啡，梳打咖啡，我好鍾意飲咖啡，所以佢哋嘅咖啡，真係好吸引我！今次我飲嘅係熱香橙脆脆咖啡，好正。見度有啲人評價嗰度嘅2位店員（或者係老闆？），我都想分享自己經歷。首先利申：我唔識佢哋，亦非打手。嗰度2位店員，由我第一次幫襯，已經感覺到佢哋係無咩表情，講野無tone ，可能會易得罪客人， 但我覺得咁又唔代表無禮貌。之前一直對佢哋無感覺，只係覺得我有我享受咖啡，你有你serve, 就係咁簡單。直到有一次，我同老公食完起身去埋單，點知後面有人想打針比錢，店員就一貫無tone嘅語氣叫佢哋要排隊，嗰刻我開始留意呢2位店員，覺得佢哋唔係無禮貌，只係咩都要講規矩。另外有一次，我記得我哋
先講講佢哋嘅食物，我鍾意佢哋有多款All Day Breakfast 選擇，覺得佢哋嘅牛角包同炒蛋好出色，尤其個炒蛋，夠晒滑！配埋啲豬柳，腸仔，乳酪等就啱啱好！每個餐大概$5x - $6x, 真心抵。
然後就係我最鍾意嘅咖啡！佢哋嗰度好多選擇，好多出面試唔到嘅，例如乳酪咖啡，梳打咖啡，我好鍾意飲咖啡，所以佢哋嘅咖啡，真係好吸引我！今次我飲嘅係熱香橙脆脆咖啡，好正。
見度有啲人評價嗰度嘅2位店員（或者係老闆？），我都想分享自己經歷。
首先利申：我唔識佢哋，亦非打手。
嗰度2位店員，由我第一次幫襯，已經感覺到佢哋係無咩表情，講野無tone ，可能會易得罪客人， 但我覺得咁又唔代表無禮貌。之前一直對佢哋無感覺，只係覺得我有我享受咖啡，你有你serve, 就係咁簡單。直到有一次，我同老公食完起身去埋單，點知後面有人想打針比錢，店員就一貫無tone嘅語氣叫佢哋要排隊，嗰刻我開始留意呢2位店員，覺得佢哋唔係無禮貌，只係咩都要講規矩。另外有一次，我記得我哋未等到食物就除低口罩，佢哋9秒9面無表情地叫我哋戴返口罩，可能一般人會覺得無禮貌，但我哋反而覺得佢哋都係想保障大家，又係想大家守規矩。
就係因為佢哋咩都直腸直肚，唔怕得罪客人，令我同老公更欣賞😂 反而每次返去幫襯，我會專登撩佢哋講野，讚佢哋啲食物，想睇下佢哋逼於無奈要回應我哋嘅表情😆
我哋真心鍾意呢間餐廳，覺得宜家愈黎愈難搵到呢啲真性情嘅小店，重點咖啡真係好正🧡
51 views
0 likes
0 comments
Post
