Video
Read full review
2022-08-08
1004 views
呢間餃子店屹立喺灣仔街市裏面，店面頗大，採用自助形式。之前見到佢哋嘅餃子外賣counter已經開咗，但係堂食就未開。而家終於八月開咗啦，但可能因為新開張嘅關係，午飯時間人流未算係好多，而且菜單上邊好多食物都暫時未有供應。我就揀咗細分嘅齊菜餃子，由於Menu上邊話可以揀口味，我就問姐姐究竟係咪一個乾撈然後側邊有碗湯，姐姐就話係是但揀一樣。佢就提議我都係要湯，辣椒可以喺自助醬料區嗰度攞。雖然我好想試吓蒜蓉或者剁椒乾撈，但係今日落雨濕濕都好想飲碗熱湯。希望餐廳可以考慮一下俾人叫乾撈同時亦都加一碗細湯。餐廳嘅營運好似都未準備得好好，連打印出嚟嘅單都未有，另外見唔到有八達通機。叫完嘢食坐低之後，會有一個服務員攞住碗餃子不停咁樣遊走叫號碼。自助醬料區到嘅芫荽隔咗好耐先補返。味道方面，餃子皮唔算非常之薄，但係都有咬口，餡料其實唔算多，但肉同菜嘅比例適宜。餃子偏向細粒，可以一啖一粒。齊菜都有啲微香，但係唔算10分驚喜，只可以話食到佢嘅新鮮感覺。雖然$45 十粒餃子好似應該好多，但係我食完之後只係覺得有5分飽，其他人應該當佢係輕食。但如果加埋面底同埋嘢飲，就會要成60幾蚊，仲要冇服務，所以午餐來講性價比
我就揀咗細分嘅齊菜餃子，由於Menu上邊話可以揀口味，我就問姐姐究竟係咪一個乾撈然後側邊有碗湯，姐姐就話係是但揀一樣。
佢就提議我都係要湯，辣椒可以喺自助醬料區嗰度攞。雖然我好想試吓蒜蓉或者剁椒乾撈，但係今日落雨濕濕都好想飲碗熱湯。希望餐廳可以考慮一下俾人叫乾撈同時亦都加一碗細湯。
餐廳嘅營運好似都未準備得好好，連打印出嚟嘅單都未有，另外見唔到有八達通機。叫完嘢食坐低之後，會有一個服務員攞住碗餃子不停咁樣遊走叫號碼。自助醬料區到嘅芫荽隔咗好耐先補返。
味道方面，餃子皮唔算非常之薄，但係都有咬口，餡料其實唔算多，但肉同菜嘅比例適宜。餃子偏向細粒，可以一啖一粒。齊菜都有啲微香，但係唔算10分驚喜，只可以話食到佢嘅新鮮感覺。
雖然$45 十粒餃子好似應該好多，但係我食完之後只係覺得有5分飽，其他人應該當佢係輕食。但如果加埋面底同埋嘢飲，就會要成60幾蚊，仲要冇服務，所以午餐來講性價比唔高。比起其他同佢外賣店或者粉面餐廳，未必係其他人嘅首選。希望佢遲啲會整一啲吸引啲嘅麵食小食套餐。
Post
