和処 酒肴 (Closed)

平時返工係附近經過一間日本餐廳《和処酒肴》都會回頭一望，終於有機會來試一試lunch。餐廳裝修以木為主，一進入餐廳就見到一個長方形嘅壽司吧枱。最驚喜嘅就係由於我哋有訂枱，店員已經留咗兩個位置俾我哋，而且枱上面有我地嘅名稱標籤🏷️，寫係一艘紙船上面，頓時感覺非常被重視，見到已經好窩心。「Lunch set」有七個套餐選擇，而且每個套餐名稱下面都有講述套餐包含嘅食物，讓客人可以詳細知道。當然食日本料理梗係要食壽司啦，所以我揀選「3號餐」。首先來了「沙律菜」同埋「燉蛋」，兩款食物非常新鮮，「燉蛋」味道更是一流，食落去質感滑脫脫。係食緊前菜期間，日本籍嘅壽司師傅已經馬不停蹄為我地親手做緊壽司同埋卷物，師傅非常親切，用心製作。由上排左至右排列，套餐六件壽司包「括左口魚壽司」、「鰤魚壽司」、「鯖魚壽司」、「三文魚籽海膽壽司」、「帆立貝壽司」同埋「火炙左口魚邊壽司」。每一款壽司都非常新鮮，即叫即做，最享受嘅係可以親自睇住師傅點樣整出嚟。我至愛嘅「火炙左口魚邊壽司」，用火槍燒完出嚟好香之餘，食落去更加入口即溶，非常Creamy。除此之外，「三文魚子海膽壽司」完全無腥味，由於壽司實在太新鮮，簡直唔需要點豉