龍德樓 (Closed)

放工買外賣返屋企開餐，凍冰冰又想食煲仔飯，所以去了附近的龍德樓。餐廳除了馳名煲仔飯外，還有多款小菜，價錢都是$60起。杏汁菜膽燉白肺杏汁味濃郁，白肺清甜完全無豬騷味，洗得乾淨，滋潤養生。黑蒜燉螺頭黑蒜味濃，有點菇香，螺頭清甜。黃金蝦球蝦球大大隻，每隻表面都沾滿了蛋王，香味十足，蝦仁新鮮彈牙，表面炸至金黃香脆。鮑魚金蠔蝦乾煲仔飯煲仔飯用錫紙盤原盤新鮮即叫即做，新鮮熱辣，金蠔及蝦乾的鮮味滲入飯內，鮑魚有咬口，加點豉油整個飯味道更佳。臘味鴛鴦腸煲仔飯臘味油滲入飯內，臘腸肥瘦均勻，不會食到滿咀油膩。