東哥點心籠仔蒸飯專門店 (Closed)

一入去亞姐問我飲乜茶，我話食下午茶，佢話都要收6蚊茶錢，當時心諗其實下午茶應該可以俾人選擇唔要茶。叫了個下午茶孖寶燒汁釀茄子和細籠鱆魚肉餅飯。首先普利茶意想不到的唔錯，濃淡適中，最估唔到下午茶是即叫即整，燒汁茄子應是即炸，十分熱，那麼厚的茄炸得剛剛好，夠熟又不太油，味道很不錯。細籠鱆魚肉餅飯也不細籠，肉餅又大又厚，有肉餅的肉味和質感。這樣也只收$45，即時覺得要收茶錢也應該。遲啲要搵次試下晚飯或打邊爐。