Video
Read full review
2022-06-14
153 views
依家想嘆一盅兩件，除咗酒樓之外，新派快餐點心店都係一個唔錯嘅選擇。點心專門店喺早午晚時段提供傳統或新式創意點心。籠太子點心專門店就係其中一個例子。行入籠太子點心店就會明白店鋪點解叫「籠太子」，抬頭一望見到好多鳥籠樣式嘅燈罩，綠色牆身給人大自然感覺。點心即叫即整，又融入創意，多咗幾分新鮮感：➺➺➺原隻鮑魚燒賣$25/2粒燒賣上面有隻同佢大小相若嘅鮑魚，好吸睛，貪新鮮就一定要點，鮑魚都幾合理架，彈牙入味，$25食到2隻鮑魚加2粒燒賣仲想點？➺➺➺籠太子蝦餃皇$15/2粒皮薄、蝦仁彈牙，配辣椒醬食係最正嘅！➺➺➺黑椒金錢肚$26試過喺酒樓食金錢肚韌到好難咬開，今次呢個唔錯，幾淋、好入味，黑椒同辣味突出。下層竟然系烏冬，索曬啲汁，好好味。➺➺➺香芒沙律盞$22賣相幾靚，成朵花咁，啲沙律係蘋果粒，上面係唔少份量嘅沙律醬同芒果醬汁。下面唔係脆皮，反而煙煙韌韌。➺➺➺豆漿$10好大枝，比出面一般買到果d多咗起碼一半份量！茶芥$3平過酒樓最少3倍啦！今次食嘅點心都精緻少少，見到隔離枱點嘅包點、飯類，都大件抵食，有機會再試！
行入籠太子點心店就會明白店鋪點解叫「籠太子」，抬頭一望見到好多鳥籠樣式嘅燈罩，綠色牆身給人大自然感覺。
點心即叫即整，又融入創意，多咗幾分新鮮感：
➺➺➺原隻鮑魚燒賣$25/2粒
燒賣上面有隻同佢大小相若嘅鮑魚，好吸睛，貪新鮮就一定要點，鮑魚都幾合理架，彈牙入味，$25食到2隻鮑魚加2粒燒賣仲想點？
➺➺➺籠太子蝦餃皇$15/2粒
皮薄、蝦仁彈牙，配辣椒醬食係最正嘅！
➺➺➺黑椒金錢肚$26
試過喺酒樓食金錢肚韌到好難咬開，今次呢個唔錯，幾淋、好入味，黑椒同辣味突出。下層竟然系烏冬，索曬啲汁，好好味。
➺➺➺香芒沙律盞$22
賣相幾靚，成朵花咁，啲沙律係蘋果粒，上面係唔少份量嘅沙律醬同芒果醬汁。下面唔係脆皮，反而煙煙韌韌。
➺➺➺豆漿$10
好大枝，比出面一般買到果d多咗起碼一半份量！
茶芥$3平過酒樓最少3倍啦！
今次食嘅點心都精緻少少，見到隔離枱點嘅包點、飯類，都大件抵食，有機會再試！
Post
