古早味台灣原味 (Closed)

好耐冇黎食，今日想食台灣野，古早味不二之選。水準一d都冇退步！1.涼拌黃瓜黃瓜非常爽脆，好fresh, 而味道帶麻辣，卻又麻辣得好輕，可說是麻而不辣，食落好過癮好開胃。而杞子帶甜味，中和麻辣味，且味道更多一層次。2.酥炸鹽酥雞鹽酥雞即叫即整，上碟超熱騰騰。炸得非常鬆脆！。鹽酥味好香，又唔會太鹹，雞肉入味剛剛好。雞都算滑。要趁熱食，擺凍左口感味道會差好遠。3.檸檬冬瓜愛玉飲（冰）愛玉飲幾好飲，甜味滲透住冬瓜味，檸檬微酸更有層次。愛玉好似啫喱咁用飲桐啜落口好味。飲品都夠凍。4.新竹貢丸湯貢丸湯好熱。飲落口全身暖晒，有少少藥材味，好暖身保身。貢丸大大粒，口感好好，結實啖啖肉，豬肉味香濃。5.干貝櫻花蝦荷葉飯成個飯佈滿樓花蝦，脆口。糯米飯唔會太鹹但都夠味。飯中有少量冬菇粒，真係好少。仲有少量厚火腿。飯中亦有少量蝦米。乾貝就其實只有中間一粒。干貝味濃，係好食，但太乾身。糯米飯底同埋邊較硬唔多好食。整個飯量超大，兩個人食唔晒咁多野。不能不提服務真係好，職員不停主動過黎加水，行完街口渴唔使怕。