炊豕店 (加路連山道) (Closed)

煎蛋焗豬扒飯係即叫即焗，大約等12分鐘左右呢個豬扒飯就會到，上到枱熱辣辣嘅，豬扒係厚切，有五件。飯上面會有一隻蛋，呢隻蛋係太陽蛋嚟，以下面會有芝士同埋蕃茄，呢個飯由於係焗出嚟所以係幾香口，價錢68蚊，份量好足夠，絕對夠一個人食飽。鹵水雞翼，25蚊有三隻，鹵水味足夠，而裏面啲雞肉係軟身。肉燥凍豆腐，價錢22蚊，凍豆腐上面加咗啲肉燥上去。呢間餐廳最出名就係豬扒飯，我見到現場好多人食蔥油豬扒飯同埋大阪燒豬扒。