Video
Read full review
2018-03-17
31 views
上網搵一搵太子有咩嘢食，比我發現一間專食蝦嘅餐廳，對於我呢一咁鍾意食海鮮嘅人來講，真係一個唔錯嘅選擇！我同朋友預先訂咗位，我地兩個入到去坐低左睇一睇餐牌，果然王牌就係佢哋嘅蝦，有好多唔同嘅選擇，而我同朋友最後揀咗鹹蛋黃黃金蝦！另外仲叫咗唔少小食，最後叫左一口炸豆腐，醉雞卷同滷水拼盤！而我就要左個魯肉飯，朋友就要原味魯肉伴麵加薄荷袖子梳打！先講講一口炸豆腐，真係超乎想像地好食，尤其是係個口感非常之特別！食落去嘅感覺唔似豆腐，反而有一種好似魚腐嘅感覺，又唔會好油膩，配上佢嘅醬汁，食落去唔油唔淡，味道剛剛好，仲完全冇罪惡感！至於個醉雞卷，水準都一流架，佢嘅醉雞味道唔會好強嘅酒味，同時好似有少少桂花味，而且肉質好緊致同厚實，食落去非常滿足！滷水拼盤就包括左鵝肝、鵝心、豬大腸同雞腳，我朋友係超級鍾意食豬大腸，對佢來講呢個簡直係天堂，我就反而幾鍾意食佢嘅鵝心，爽脆吾會濟，配飯又得！當然唔少得嘅就係佢嘅主角啦，鹹蛋黃蝦，而且係即叫即整，隻隻都係活生生好生猛㗎，冇令我失望！鹹蛋黃味道出眾，而且蝦嘅肉質相當好，而且有唔少下蝦都有蝦膏添，真係好新鮮好好食，同平時一般嘅餐廳食嘅蝦完全冇得比，正！而魯肉飯同原
上網搵一搵太子有咩嘢食，比我發現一間專食蝦嘅餐廳，對於我呢一咁鍾意食海鮮嘅人來講，真係一個唔錯嘅選擇！我同朋友預先訂咗位，我地兩個入到去坐低左睇一睇餐牌，果然王牌就係佢哋嘅蝦，有好多唔同嘅選擇，而我同朋友最後揀咗鹹蛋黃黃金蝦！另外仲叫咗唔少小食，最後叫左一口炸豆腐，醉雞卷同滷水拼盤！而我就要左個魯肉飯，朋友就要原味魯肉伴麵加薄荷袖子梳打！
先講講一口炸豆腐，真係超乎想像地好食，尤其是係個口感非常之特別！食落去嘅感覺唔似豆腐，反而有一種好似魚腐嘅感覺，又唔會好油膩，配上佢嘅醬汁，食落去唔油唔淡，味道剛剛好，仲完全冇罪惡感！
至於個醉雞卷，水準都一流架，佢嘅醉雞味道唔會好強嘅酒味，同時好似有少少桂花味，而且肉質好緊致同厚實，食落去非常滿足！
滷水拼盤就包括左鵝肝、鵝心、豬大腸同雞腳，我朋友係超級鍾意食豬大腸，對佢來講呢個簡直係天堂，我就反而幾鍾意食佢嘅鵝心，爽脆吾會濟，配飯又得！
當然唔少得嘅就係佢嘅主角啦，鹹蛋黃蝦，而且係即叫即整，隻隻都係活生生好生猛㗎，冇令我失望！鹹蛋黃味道出眾，而且蝦嘅肉質相當好，而且有唔少下蝦都有蝦膏添，真係好新鮮好好食，同平時一般嘅餐廳食嘅蝦完全冇得比，正！
而魯肉飯同原味魯肉伴麵就不過不失，份量都剛剛好，但係就略欠驚喜，飲品方面，朋友杯薄荷袖子梳打都值得推薦，清新得來又唔會好甜，都幾開胃！
Post
