Video
Read full review
2024-05-02
25 views
💛點茶館 (觀塘)觀塘觀塘道418號創紀之城五期(apm)2樓Food Fiesta內今日同朋友去咗觀塘APM睇戲，之後落咗去下面food court食嘢，見到有間新開既「點茶館」，價錢唔貴就同朋友一齊試下。我哋分別叫咗兩個套餐，可以有一個蒸飯，同埋一個點心，價錢嚟講都算抵食。由於佢呢度所有嘅點心同埋蒸飯都係即叫即整，所以可能需要等一陣先有得食，但係真係幾新鮮同埋幾好食。🍽️我哋分別就叫咗一個櫻花蝦膏腩片飯，佢蝦膏嘅味道好突出，用嚟送飯真係一流，至於腩片佢係肥瘦適中，配埋啲蝦膏嘅味道真係越食越開胃，然之後我哋揀咗一個點心就係鴨腳扎，由於都係即叫即蒸嘅關係，我覺得有酒樓嘅水準。😍另外我哋叫咗一個白鱔蒸飯，呢個飯真係不得了，啲鱔好香，好滑，完全冇骨，淡淡都係肉，而且食得出係好新鮮嘅食材。然後跟餐揀咗一個山竹牛肉球。都係即叫即蒸，食得出真係有酒家嘅級數。👌總括而言呢度啲嘢食係好新鮮，即叫即蒸，味道唔錯，可以食個蒸飯同埋食到酒樓級數嘅點心。😝
觀塘觀塘道418號創紀之城五期(apm)2樓Food Fiesta內
今日同朋友去咗觀塘APM睇戲，之後落咗去下面food court食嘢，見到有間新開既「點茶館」，價錢唔貴就同朋友一齊試下。
我哋分別叫咗兩個套餐，可以有一個蒸飯，同埋一個點心，價錢嚟講都算抵食。
由於佢呢度所有嘅點心同埋蒸飯都係即叫即整，所以可能需要等一陣先有得食，但係真係幾新鮮同埋幾好食。🍽️
我哋分別就叫咗一個櫻花蝦膏腩片飯，佢蝦膏嘅味道好突出，用嚟送飯真係一流，至於腩片佢係肥瘦適中，配埋啲蝦膏嘅味道真係越食越開胃，然之後我哋揀咗一個點心就係鴨腳扎，由於都係即叫即蒸嘅關係，我覺得有酒樓嘅水準。😍
另外我哋叫咗一個白鱔蒸飯，呢個飯真係不得了，啲鱔好香，好滑，完全冇骨，淡淡都係肉，而且食得出係好新鮮嘅食材。然後跟餐揀咗一個山竹牛肉球。都係即叫即蒸，食得出真係有酒家嘅級數。👌
總括而言呢度啲嘢食係好新鮮，即叫即蒸，味道唔錯，可以食個蒸飯同埋食到酒樓級數嘅點心。😝
Post
