Video
Read full review
2023-03-17
1433 views
🌟餐廳：永8舫📍地址：灣仔軒尼詩道318號永倫立方2樓💰價位：～$400 - $800⏰營業時間：星期一至日12:00 – 15:00 / 18:00 - 23:00📱電話：21215188想搵個寧靜舒適既地方歎返餐茶？仲可以食埋中式既buffet? 朋友今日就帶左我去呢間位於灣仔「永8舫 」，全新開業，環境寬敞舒適，主打任食即叫即蒸點心+中式美食自助餐，夠哂吸引，即刻去歎返餐先！！———————————————————🌟即叫即蒸點心🌟🔹頂峰蝦餃🔹黑蒜燒賣🔹桃膠雜菌餃🔹娘惹海皇卷🔹馬拉糕🔹叉燒包🔹啤梨黑豚鹹水角🔹山珍松露腐皮卷以上點心都係任點任食，而且仲係即叫即正，每一款都好高質，而且餐具、擺盤及賣相都好出色！我哋就最鍾意頂峰蝦餃同埋啤梨黑豚鹹水角～-頂峰蝦餃：蝦肉大大隻，蝦餃皮夠薄，晶瑩通透，食落好滿足～-啤梨黑豚鹹水角：造型夠可愛，成個啤梨嘅形狀，餡料用上黑豚肉，醬汁熱辣辣夠濃稠，食落香脆鬆軟，係一款好出色嘅鹹水角～———————————————————🌟中式美食自助區🌟🔹餐前小食：乾煸四季豆，涼拌青瓜，滷水豆腐，菠蘿蓮藕片等等🔹主食：焗豬扒飯，菌皇金菇炆伊麵🔹經典小菜：脆皮咕嚕肉
📍地址：灣仔軒尼詩道318號永倫立方2樓
💰價位：～$400 - $800
⏰營業時間：星期一至日12:00 – 15:00 / 18:00 - 23:00
📱電話：21215188
想搵個寧靜舒適既地方歎返餐茶？仲可以食埋中式既buffet? 朋友今日就帶左我去呢間位於灣仔「永8舫 」，全新開業，環境寬敞舒適，主打任食即叫即蒸點心+中式美食自助餐，夠哂吸引，即刻去歎返餐先！！
———————————————————
🌟即叫即蒸點心🌟
🔹頂峰蝦餃
🔹黑蒜燒賣
🔹桃膠雜菌餃
🔹娘惹海皇卷
🔹馬拉糕
🔹叉燒包
🔹啤梨黑豚鹹水角
🔹山珍松露腐皮卷
以上點心都係任點任食，而且仲係即叫即正，每一款都好高質，而且餐具、擺盤及賣相都好出色！
我哋就最鍾意頂峰蝦餃同埋啤梨黑豚鹹水角～
-頂峰蝦餃：蝦肉大大隻，蝦餃皮夠薄，晶瑩通透，食落好滿足～
-啤梨黑豚鹹水角：造型夠可愛，成個啤梨嘅形狀，餡料用上黑豚肉，醬汁熱辣辣夠濃稠，食落香脆鬆軟，係一款好出色嘅鹹水角～
———————————————————
🌟中式美食自助區🌟
🔹餐前小食：乾煸四季豆，涼拌青瓜，滷水豆腐，菠蘿蓮藕片等等
🔹主食：焗豬扒飯，菌皇金菇炆伊麵
🔹經典小菜：脆皮咕嚕肉，剁椒蒸䱽魚，唐芹雞湯浸蘿蔔，沙薑雞，蜜椒薯仔牛柳粒等等
🔹甜品：香芒卷，椰汁紅豆糕，紅豆沙，生果等等
- 自助區嘅食物超多選擇！！有齊餐前小食、中式小菜及甜品，每一款賣相都好吸引～
前菜方面，乾煸四季豆及菠蘿蓮藕片夠晒特色～乾煸四季豆加入欖菜炒制，微微辣鹹鹹地，好惹味～蓮藕片夠晒爽脆，另外再加入菠蘿汁及果肉蓉，食落清新又開胃～
-中式小菜每一款都係巧手小菜～其中脆皮咕嚕肉真心推介，外層加入麥芽糖炒，食落夠晒香脆，肉質又爽口彈牙，高質～
-主食特別推介焗豬扒飯，醬汁用上蕃茄汁及大量芝士焗制，豬扒外脆內軟，賣相靚之餘，夠哂香噴噴，食得好滋味，大推！！
———————————————————
🌟限定精選美食🌟
重點推介每位限定既兩款美食：每位食客可享用一份波士頓龍蝦（半隻）及天宮翅，性價比極高！
-波士頓龍蝦，煮得好入味而且夠新鮮，大大隻肉質好爽彈；加入香滑既薯蓉，夠哂豐富，醬汁調味濃郁，正～
-天宮翅用料夠豐富，食落每一啖都有魚翅，搭配嘅肉絲煮至一絲絲好滑順，湯底亦夠晒厚身濃稠，飲落熱辣辣好暖胃～
———————————————————
😋味道：4/5
🏢環境：4.5/5
💁🏻♀️服務：4/5
💵價錢：4/5
🤟🏻性價比：4.5/5
———————————————————
👅整體小總結
先講餐廳環境，裝修古色古香，瑰麗堂皇，喺呢個環境嘆茶真心舒適！
而且佢哋嘅餐具設計好精緻，我最鍾意佢哋嘅茶壺同茶杯，設計既傳統又高貴～
食物方面，主打嘅即叫即蒸點心每一款熱辣辣，食物材料又豐富，任點任食，性價比極高～自助區方面，有齊各款傳統中菜、餐前小食、甜品等等，超多選擇～
特別一讚佢哋refill食物嘅速度夠快，店員又殷勤有禮，經常主動執枱及加水，服務超好！！
Post
