陳師傅自製點心專門店

Open Now

Now Closed

酒樓飲茶個啲點心就食得多，唔知呢間位於尖沙咀嘅自製點心專門店大家又食過未呢？未嘅真係要去試下，分分鐘好食過酒樓啲點心😂🥟［魚子燒賣皇］$27燒賣大大粒，入面既豬肉肥瘦均勻，估唔到隔水干蒸之後仲保留到啲肉汁，必食！👍🏻🥟［金牌蝦餃皇] $27蝦餃外皮晶瑩剔透食落口感煙煙韌韌，入面啲蝦肉都幾足料，原隻大蝦名副其實皮薄餡靚🥟［香煎鮮蝦腐皮卷] $37鮮蝦腐皮卷煎得微微焦燶，咬落去好酥脆香口，腐皮仲帶啲微豆香😋仲有原隻爽口大蝦🍤🥟［黃金叉燒腸] $34熱辣辣腸粉包住粒粒半肥瘦叉燒，入口已經散發陣陣米香仲有啲粟米粒食落好有咬口🥟［養顏滋補藥膳雞腳］$46好少點心店會有藥膳雞腳，真係一試難忘，湯底永遠係重點，用足料藥膳去熬製，甜甜地可以當老火湯咁飲翻幾碗，啲雞腳又好入味👍🏻👍🏻👍🏻大讚！環境⭐️⭐️ ⭐️ 性價比⭐️⭐️ ⭐️ 推薦度⭐️⭐️⭐️ ⭐️ 人均消費:$85.5整體分數:89.62分- - - - - - - - - - - - - - - 📍 陳師傅自製點心專門店地址：尖沙咀金馬倫道56號地舖#香港 #香港美食 #香港好去處#美食 #食評 #假日必去 #情侶 #放假 #放假去邊 #放假好去處 #尖沙咀