Sixer Burger (Closed)

荃灣真係好多美食小店，早排經過千色薈已經見到一間以船艙為設計主題嘅BURGER舖頭，不過好多人排隊所以放棄左，今日行過見到有位就衝左入去😋😋班尼迪蛋 $58底層係類似豬柳蛋嘅包，中層煙肉煎到好香，唔會太硬，最頂係水波蛋，配上特製醬汁，一咬開，蛋汁爆開，都幾好味。👍🏻魚柳薯條 $68即叫即炸嘅魚柳炸到香脆可口，薄薄嘅炸粉配上嫩滑嘅魚肉，點上微酸嘅沙律醬，真係一口接一口。薯條夠脆夠熱，點上微甜茄汁，正！🍔牛肉啡菇芝士漢堡 $88手工漢堡之一，包底用左烘過嘅脆豬包，外脆內軟。厚厚嘅漢堡牛肉混合左洋蔥粒，好甜好juicy。配上新鮮大啡菇、厚切蕃茄、爽脆生菜，淋上芝士蘑菇汁，絕配呀！啡菇芝士漢堡+薯條餐湯 $68+26同牛肉啡菇芝士漢堡一樣，少左塊漢堡肉，感覺比較清新，好Fresh。餐湯係周打蜆湯，足料濃稠適中。