西九漢堡 (Moved) New Location

西九龍中心既美食廣場真係好多嘢食, 今次試咗呢間漢堡包小店, 每一塊漢堡扒都係人手打, 即叫即製, 所以製作需時 (~20分鐘), 要耐心等候啊~🍔大啡菇芝士牛堡 大啡菇好厚, 咬落好多汁, 一啲都唔乾身。夾埋漢堡扒一齊食, 更juicy! 肉汁豐富, 肉味濃, 麵包裏面仲夾住洋蔥、芝士、蕃茄、生菜🍔黑松露芝士牛堡未食已經聞到陣陣黑松露香味, 另一重點係塊半溶芝士! 裏面仲有生菜同蕃茄以減低膩感。我地仲加咗原味洋蔥圈做小食, 即叫即炸, 拎上手仲係熱辣辣!