Burger Lab

Open Now

Now Closed

由於另一半極愛食burger，今日路過見到呢間小店，餐牌好多選擇，價錢又唔算貴，即管買來試吓。點咗「特級牛肉漢堡」同「芝士雞肉漢堡」各一，另加$22轉咗個漢堡套餐，包埋薯條同飲品一款。個特級牛肉漢堡係超巨型，足足高過正常漢堡嘅一大截，絕對要分開上下層咁先食到。超級足料，有雙層漢堡、煙肉、仲有隻流心蛋、蕃茄、生菜、芝士同洋蔥。溶咗嘅芝士加埋流心蛋，配合埋個burger，好juicy，好好味！😋另一個芝士雞肉漢堡，味道就相對冇咁濃烈，但都好好味呀。用咗沙律醬配合雞肉，感覺冇咁肥膩，適合喜歡清淡口味嘅朋友。除咗burger 係即叫即製之外，薯條都係即叫即炸，完全冇多餘油份嘅感覺，好脆好香口。真係食到唔停得口，食完一包都唔覺得漏呀。今次係叫外賣拎走，外賣盒包裝企理，仲有手套提供，好貼心。現場環境都幾舒服，有機會希望可以堂食試下。