日暮家 麵匠 (Closed)

出發🇬🇧遊探朋友之前，搵咗晚去幫襯老闆🦊同佢哥哥開嘅拉麵店～ 已經唔記得食過幾多次，淨係好記得好記得好記得第一次食嘅時候，係喺Mirror停工期間排長龍去食 ⏳ 轉眼間，嚟到佢哋將要結業嘅最後階段，想喺最後一次幫襯佢哋之前，再出一次飯後感～🍜 京都九条蔥慢煮鴨肉拉麵 😋😋😋😋😋四片鴨肉為兩分肥八分瘦，肉質嫩滑，鴨皮表層稍稍燒過嚟、好香 🦆 湯頭有淡淡鴨油香，亦有蔥段同芝麻嘅香氣；小編揀咗「普通」拉麵麵質，配上依款鹹味湯頭係唔錯，唔會過軟索晒湯或過硬唔掛湯 👍🏻晚餐 💵💵💵 約港幣$110/人💁🏻‍♀️ 或者大家會覺得依家日元好平，去日本食日本拉麵會平好多、風味更佳，不過又老實講，口癮起想食嗰陣都唔係話飛可以即刻飛 🧐 嚟緊抽到時間小編都會再去幫襯多次，仲想試下其他口味～ 未食過嘅生粉，就一定要把握最後機會啦！💪🏻🙆🏻‍♀️ 最後，喜歡嘅話，歡迎follow @foodirectory.hk ！