燒蝦蝦 (金福閣） (Closed)

放長假期食好啲，去咗遠少少，又豪少少，試吓「玩」即捉即燒游水蝦🦐😍本身以為好好玩嘅捉蝦活動，因為啲蝦好生猛，要快恨準先夾到，都有少少難度同刺激🤣 夾到隻蝦之後要放佢地落啲冰度暈一暈，咁燒嘅時候先唔會掙扎～除咗有蝦燒，原來仲有好多唔洗捉嘅海鮮任拎🤣 有鮑魚、扇貝、唔同種類嘅貝類、蠔、成條魚😂、仲有魷魚！行到最後仲有個調味站，可以自己加蒜蓉等嘅配料，其中我地encore咗好多次扇貝🤤🤤🤤 貪佢粒肉又大，又好快有得食🤣🤣個燒烤爐有兩層，喺上面燒緊海鮮嘅時候可以喺下層燒吓薄啲嘅肉同菜，我地仲善用咗下層嘅優勢，整咗芝士大啡菇😍😍😍 係拉絲嘅芝士😍😍😍 雞翼怪當然要燒嚟試吓～ 都醃得好入味🤤喺等緊嘅時候仲有熟食！有已經燒好咗嘅蝦同其他菜式🥰 雖然自己燒蝦好玩，但人地燒嘅蝦好似燒得仲好🤣 唔怕燒到太熟😂 燒海鮮同食燒肉一樣都要練習多啲先得😂 我地都有參考隔離同問店員啲嘢食點燒，好似做實驗咁試吓唔同嘅燒法，好好玩🤣🤣🤣 最重要嘅係可以自己夾，每款可以試少少，慢慢試到成功🥳