牛陣 (iSQUARE國際廣場)

Open Now

Now Closed

放工好肚餓，見isquare間牛陣呢個鍾數又唔算多人排隊，就直接同朋友入去。餐廳好多位都好仔細因為員工嘅服務都好好一手一腳幫我地整。坐底叫左距個泰國冬陰功湯底，店員會先落油將d香料啊海鮮等等炒香，然後再倒湯，即刻冬陰功味好香。然後我地就揀左澳洲牛套餐。牛ge肉味好濃郁，而且唔會好un，反而好嫩滑，唔點醬料食都ok。之後仲有牛舌，海鮮等，都係可以追加ge。除了你叫果個套餐果d食物之外，仲有餐廳出面ge自助吧，有各款蔬菜，丸類，飲品，雪糕等。另外一樣我覺得餐廳幾有心嘅就係佢哋有得自己自製青木瓜沙律，平時去泰國餐廳我已經一定會叫，呢度仲有得俾我哋自製落唔同嘅份量配料同埋辣度。最後餐廳仲會送iseeisee ge芒果糯米飯 口味ge雪條，呢個雪條真係有糯米係入面，幾特別。唔錯，價錢唔貴，都幾好食。下次會再來。