隱世貳館 (Closed)

今日去左食蒸汽鍋。想食好耐，終於食到蒸汽鍋。等左十分鐘，以為佢漏左單。原來佢地係即整d生海鮮，整乾淨先上菜，好新鮮。最緊要新鮮，等耐d都冇所謂。花蟹終於上菜！好大隻花蟹。餐單寫曬所有海鮮既蒸煮時間，專業！一夠五分鐘，即刻開蓋食蟹。正。蟹肉真係好新鮮，好甜！好滿足！仲有少少蟹膏係側邊，好鮮甜，好似大閘蟹既味道！聖子都係好新鮮！全部海鮮都好新鮮！！蒸左四分鐘，肉質好彈牙，唔係點豉油都好甜。原來食蒸汽鍋係唔需要點醬油架，因為如果所有海鮮都新鮮，齋蒸左已經好甜。食埋大大隻既海蝦，仲有好多海鮮之後，最後最期待既就係食粥。平時病先食粥，但蒸汽鍋既粥一定要食。海鮮既鮮味通通入曬粥底，一入口，好甜好甜。我諗要蒸汽鍋先整到咁香既粥。平時冇乜好粥，今日成煲粥食曬，好幸福！冬天一定要再黎食過！