Cafe Fresca (Closed)

之前黎何文田廣場時，大部份鋪位都仲裝修中，估唔到事隔半年，依家餐廳、店舖林立，行下行下，行經3/F時見到有間Homemade 餐廳，本身好喜歡自家製作的小店，因為它們總會有自家創作的獨特食品，帶比人驚喜，所以一於幫親下食埋個晚餐先走。店外店內裝修簡潔透亮，整間餐廳只有三位職員，分別廚師、收銀和待應生，點餐需要係門口位置的收銀處選購，購買後拎著單子坐下等待，我選購了虎頭蝦蜆龍蝦湯意粉，等候左大約20分鐘左右，我的晚餐由待應生送上，碟面有兩隻大虎蝦和蜆，而意粉就用左Linguine扁身意粉，食落彈牙有龍蝦汁和酒既味道，廚師很細心，預先將虎蝦的黑腸挑走了，讓我可以安心大啖地咬，唔洗食到成口沙，而蝦殼都好容易地用叉拆開，講真一句，其實我好少係出面食蝦的，因為怕剝殼同挑腸，所以哩個貼心既做法，好值得比like,意粉食極都仲有， 原來個碟都幾深，食完好飽。