DR. COW 牛扒專家

Open Now

Now Closed

先評論食物，叫左個最平既牛肉溫泉蛋飯，溫泉蛋係日本蛋，牛肉都唔係下欄嘢，整體都可以，但米方面要批評一下，唔知係我黑仔定係老闆冇整鬆啲飯，我果盒飯有1/4都係一舊野（痴埋一舊成pat），真係頂唔順食唔落口，但撇除呢樣整體尚可。 《額外建議：菜可以比多條，成盒飯得一條菜唔係咁靚仔。》餐具真係要改善下，某啲食物確實可以用即棄紙盒裝，例如包類/ 小食，但飯/麵 堂食既時候盡量用碗會好啲，我成餐飯都係紙盒、膠杯、即棄餐具，一來不環保、二來咁同外賣有咩分別。 可以盡量用返碗就用碗，餐具都一樣用環保少少。 明白人手不足問題，建議買左一定份量既餐具先，冇時間洗就儲埋加洗潔精浸住先，等到tea time/ 夜晚收鋪兩段時間洗，相信會好好多。環境就冇得同其他店去比較，地方唔大，但幸好整體算企理乾淨，牆身都有幾多裝飾望。整體食物而言尚可 不過不失，價錢60偏中貴水平，米飯的儲藏方法可以改善，或老闆需望清楚食物質素先出餐。 餐具上可以慢慢調整，一部份改用環保餐具/碗，希望下次光顧會做得更好。