麒藝館 (Closed)

一入門口你就會見到一個大爐，原來就係要黎燒乳豬，隻豬叫即燒無花菓天下第一豬，真係勁，我同D朋友食了好多野，樣樣都唔錯，不過要講食到叮一聲，就一定係這乳豬。即叫即燒夠新鮮，已經贏晒，跟住隻乳豬又唔會太肥，而且肉味好香，乳豬皮香脆，配埋無花菓乳豬醬，真係點可以唔叫佢呢，提一提大家，最好食果舊係豬腳仔，一碟得4件，所以要快手。另外佢有個炒飯都好食，炒得夠乾身，D飯一粒一粒，正，我好怕濕立立的同唔夠鑊氣的炒飯，所以呢個都好食，不過當然唔及即燒無花菓天下第一豬啦。