牛極 (庇利金街) (Closed)

講到食牛扒，佐敦嘅牛極簡直冇得輸。呢間舖頭開張到而家，我大大話話都食過好多次，每次食完都好回味。但最近因為疫情關係，小左係舖頭堂食，轉戰外賣翻公司到食，食物質素都係同堂食一樣，保持到水準，除左唔洗自己燒之餘，仲有唔會吸收到燒肉嘅味道。今日中午又決定左食牛極，係openrice到order左一份180g嘅九成熟牛肩扒，配有白飯，蕃茄湯同埋日式沙律。大約等左20分鐘就有得拎，拎到翻公司，全部食物都係熱辣辣，仲會出煙。今次冇order到多飯，但份量都夠食。180g嘅牛肩扒一其有四塊，全部都係厚切，食得出係九成熟，唔會太老同太硬。蕃茄湯同日式沙律如果係堂食，可以無限添食，但外賣就會得一盒，不過一個人食，份量都足夠。此外，仲要讚一讚，牛極除左牛扒好食之外，店員服務態度仲好好，親切有禮，值得讚賞。