Video
Read full review
2021-05-17
2340 views
荃灣大鴻輝中心可以話係火鍋集中地， 一直想試『 馬辣台式鴛鴦火鍋』， 今晚準時放工心情極靚 又有飯腳， 終於有機會一試。火鍋店內籠原來都好大，視野開揚， 唔會逼夾焗促。 價錢真係冇得輸，百幾蚊任飲任食兩小時仲要有生啤，啤酒～ 去一啲高檔次的酒吧餐廳呢個價錢買一送一都唔得～火鍋湯底仲可以揀鴛鴦鍋不另收費。揀了『西紅柿洋蔥海皇鍋併芫茜皮蛋鍋』， 勝在清清地配各款食物都夾。 芫茜皮蛋估唔到係咁出色， 有海量嘅芫茜～ 芫茜控實好滿足， 配襯皮蛋 夠曬香。 蕃茄湯帶微微酸，蕃茄味唔算好濃郁， 不過就有種家常湯水嘅感覺😋手機掃二維碼落單， 主要點各款肉類和海鮮， 簡單只有兩版， 不用拿著手機係咁掃～相信這裏特色係丸類，餃類特別多～ 都是自助不用手機下單，食量細的我們每款吃一件都試唔曬。朋友吃了很多款芝士丸。酸薑皮蛋牛丸比較特別， 就好似中式嫁女餅嘅酸薑皮蛋酥！墨魚丸又爽又彈牙夠足料！花生味嘅麻吉燒， 不知為何放湯不久就爆開， 餡料好香嘅麻蓉味。水魷魚，牛栢葉也夠爽。醉雞味道唔錯，又入味雞肉嫩滑。魚腐也有超水準，吃到魚肉嘅鮮味！👍還有自家製嘅燕餃，蛋餃， 細細隻 一口一件，餡料唔差。 洋蔥牛肉餃 餡
荃灣大鴻輝中心可以話係火鍋集中地， 一直想試『 馬辣台式鴛鴦火鍋』， 今晚準時放工心情極靚 又有飯腳， 終於有機會一試。
火鍋店內籠原來都好大，視野開揚， 唔會逼夾焗促。 價錢真係冇得輸，百幾蚊任飲任食兩小時仲要有生啤，啤酒～ 去一啲高檔次的酒吧餐廳呢個價錢買一送一都唔得～
火鍋湯底仲可以揀鴛鴦鍋不另收費。
西紅柿洋蔥海皇鍋併芫茜皮蛋鍋
34 views
0 likes
0 comments
揀了『西紅柿洋蔥海皇鍋併芫茜皮蛋鍋』， 勝在清清地配各款食物都夾。 芫茜皮蛋估唔到係咁出色， 有海量嘅芫茜～ 芫茜控實好滿足， 配襯皮蛋 夠曬香。 蕃茄湯帶微微酸，蕃茄味唔算好濃郁， 不過就有種家常湯水嘅感覺😋
手機掃二維碼落單， 主要點各款肉類和海鮮， 簡單只有兩版， 不用拿著手機係咁掃～
相信這裏特色係丸類，餃類特別多～ 都是自助不用手機下單，食量細的我們每款吃一件都試唔曬。
朋友吃了很多款芝士丸。
酸薑皮蛋牛丸比較特別， 就好似中式嫁女餅嘅酸薑皮蛋酥！
墨魚丸又爽又彈牙夠足料！
花生味嘅麻吉燒， 不知為何放湯不久就爆開， 餡料好香嘅麻蓉味。
水魷魚，牛栢葉也夠爽。
醉雞味道唔錯，又入味雞肉嫩滑。
魚腐也有超水準，吃到魚肉嘅鮮味！👍
還有自家製嘅燕餃，蛋餃， 細細隻 一口一件，餡料唔差。 洋蔥牛肉餃 餡料唔算飽滿， 反而韭菜餃裏的韭菜鮮味夠嫩。
肉類方面， 共通點係極為薄切， 啱曬人少少都可以試多幾款。 比較推介牛五花和牛小排， 薄薄的 淥數秒就食得， 帶少許肥嘅牛肉先夠油香👍
羊肉和豚肉味道唔差，唔算有羶味。
這裏的調味區選擇非常多， 竟然有剁椒和花椒油， 大可調配一份帶川味麻辣香嘅醬油～
海鮮方面有五款可供選擇。
是日海鮮：蜆， 算係唔錯，幾鮮甜而且冇沙！
白鱔片雖然細塊不過也算肥美～ 新鮮唔腥。
海生蝦也俾到驚喜， 肉質鮮甜彈牙。
飲品都是大路款式， 還有五花茶和自製涼茶， 檸檬綠茶。
蔬菜擺放得整齊， 一盤盤放在雪櫃，賣相加咗分。 洗得都幾乾淨会放心食，白菜仔又嫩又甜!
食物款式太多， 還看見有雪藏烏冬，比較少有。
不能錯過的環節必定是甜品～ 各款糕點，雪糕，雪條， 豆腐花，啫喱，奶凍，布甸。。 當然還有品牌雪糕， 正呀 揀了芒果和士多啤梨都有果肉的！ 熱嘅甜品還有朱古力班戟， 麵包布丁！👍👍
火鍋後吃豆腐花也是甜滋滋的～ 今晚極度滿足！
Post
