忠孝東路

Open Now

Now Closed

今日同女友即興去左忠孝東路食午餐，不過係尖沙咀國際廣場既忠孝東路餐廳。門口已經見到製作飲品既吧枱，相信飲品有一定質素。環境比一般台式餐廳舒適，裝潢更加優雅。忠孝東路有午市套餐，附送指定飲品，加少少$就有小食同特色飲品。- 忠孝魯肉飯賣相幾靚，配料有蝦乾，酸菜同滷肉，口感更豐富。滷肉主要係瘦肉粒，醬汁香口，但略嫌太多，食到最後有啲過鹹。- 香濃麻油雞配珍珠飯雞件肉質麻麻，不過麻油味太香，送飯真係一流。珍珠飯口感煙韌，粒粒分明。- 紅油抄手作為小食，份量真係幾小，只有兩隻。不過味道夠香辣，炒手餡料好足。- 涼拌酸辣貓耳朵貓耳朵幾爽口，味道酸酸甜甜，非常開胃。- 寶島珍珠奶茶有少少奶香，珍珠有香濃黑糖味，不過啲珍珠痴埋一粒粒。