伊賀日本燒肉料理 (Closed)

今日和朋友即興去食伊賀日本燒肉料理。餐廳非常易找，在尖沙咀 /尖東站N1出口，步行1分鐘左右就到。午餐時段，只有一個侍應，但非常有禮貌，上菜速度快，最緊要冇漏單。餐廳以平板來點餐，非常環保，不用浪費太多紙張，點餐以件數計，你落幾多件比幾多件你，一定唔會比少。先點刺身，有甜蝦、北寄貝、八爪魚、帶子、玉子燒，刺身新鮮，八爪魚爽口，帶子好鮮甜，如果厚切口感會更加正。枝豆、芝麻八爪魚枝豆未完全解凍，比軟冰，要放一陣先食到。炸物，點了薯格和炸蝦做得比較出色，新鮮熱辣辣炸起，金黃香脆。檯面上有3款調味料，豉油和燒肉汁，其實已很足夠，但亦可以追加其他醬料，例如，蒜蓉、沙律醬、天婦羅汁、海鮮醬等等。燒物類，點了豬肉片、手打墨魚丸、伊賀一口牛、芝麻雞翼、虎蝦、 芝士腸、蒜香腸，黑椒腸、漬壺牛，牛油粟米，豬肉片和伊賀一口牛要加一點調味料燒會更加好味，漬壺牛略鹹了一點，而牛油粟米真係好好味，牛油入面加了蒜蓉，超香蒜蓉牛油味，不知不覺吃了4份，另外虎蝦亦不錯，虎蝦夠大隻，非常爽口彈牙，之後亦叫了5隻虎蝦。飲品要另外加錢的，價錢亦唔貴，我們每人加了一罐。