大飯糖甜品小食屋 (Moved) New Location

做左成日野，收工唔係食野姐？！於是就同同事們一齊黎左呢間糖水舖食宵夜。一行6人每人叫一款。超級三兄弟（朱古力軟雪糕，朱古力奶凍，朱古力心太軟）三種唔同質感又有唔同濃度嘅朱古力甜品。三者都非常夠朱古力味。雖然心太軟係要趁熱食，但係會放係最後先食，因為呢個係三者之間最濃郁，所以會蓋過另外個兩隻甜品。楊枝甘露綿綿冰＋雲呢拿軟雪糕好足料，芒果大大嚿Baileys 綿綿冰 放入口就有好香嘅Baileys 酒香，加埋其他配料，成個口感豐富左。唔覺唔覺就食哂啦芒果爺爺真心覺得呢個食完真係好透心涼，除左因爲佢有一圈嘅軟雪糕同大大粒芒果之外，底層亦有由椰子水做嘅啫喱，（雖然本人覺得質感似大菜糕多啲）芒果小丸子 ＋ 3.6 牛乳奶凍料多，但夾埋啲芒果汁個奶凍就變左無味。芒果小丸子＋河粉有差唔多嘅大半個嘅芒果，河粉做得好滑。