Video
Read full review
2023-12-17
1792 views
原本想去沙田萬怡酒店嘅茶樓飲茶，但佢今日有婚宴要提早清場，想坐耐啲唯有去過第二間餐廳。而成個酒店除咗茶樓就得呢間餐廳，原本冇打算食自助餐，但一場嚟到又好肚餓，就即興嚟餐。宜家應該係做緊聖誕自助午餐🍽️全場最吸引嘅莫過於任食嘅生蠔🦪係現場即開嘅，味道鮮甜，正👍🏻旁邊日式刺身🐟有六款選擇—鯛魚、希靈魚、八爪魚、帶子、吞拿魚、三文魚全部味道都好鮮甜，特別係帶子，一試難忘熟食有好多唔同選擇，但大部分味道都麻麻哋唯一我食完覺得好好味嘅係呢個車輪芝士意大利飯🧀芝士🧀️味道濃，好正😊旁邊嘅芝士火鍋已唔太掂，基本上係冇味嘅西班牙海鮮飯賣相好靚，但食落麻麻。啲飯過軟又貼住一舊舊。片皮鴨賣相都係唔錯，但味道仲差。啲肉又韌又冇味，啲包片皮鴨嘅皮雖然有個爐保溫，但唔知點解我即攞即食都係凍嘅。其他熟食都係麻麻。大部分都有個爐保溫，但可能就係因為咁所以大部分都好似煮過頭咁。肉太韌🍖菜太黃🥬失望😟甜品方面，蛋糕🍰、餅仔都係喺櫃入面，有職員幫手攞。呢點對於衞生嚟講唔錯，亦可保持甜品嘅賣相。至於味道，真係超失望😮💨除咗豆腐芝麻芝士蛋糕，其他都唔好食最恐怖係個芒果慕絲🥭，係酸到完全食唔到。我都唔知西餅師傅推出呢款蛋糕前，有
宜家應該係做緊聖誕自助午餐🍽️
全場最吸引嘅莫過於任食嘅生蠔🦪係現場即開嘅，味道鮮甜，正👍🏻
即開生蠔🦪
106 views
0 likes
0 comments
全部味道都好鮮甜，特別係帶子，一試難忘
日式刺身（鯛魚、希靈魚、八爪魚、帶子、吞拿魚、三文魚）
197 views
0 likes
0 comments
唯一我食完覺得好好味嘅係呢個車輪芝士意大利飯🧀
芝士🧀️味道濃，好正😊
車輪芝士意大利飯
94 views
1 likes
0 comments
旁邊嘅芝士火鍋已唔太掂，基本上係冇味嘅
芝士火鍋
90 views
1 likes
0 comments
西班牙海鮮飯賣相好靚，但食落麻麻。啲飯過軟又貼住一舊舊。
西班牙海鮮飯
88 views
1 likes
0 comments
片皮鴨賣相都係唔錯，但味道仲差。啲肉又韌又冇味，啲包片皮鴨嘅皮雖然有個爐保溫，但唔知點解我即攞即食都係凍嘅。
片皮鴨
63 views
0 likes
0 comments
其他熟食都係麻麻。大部分都有個爐保溫，但可能就係因為咁所以大部分都好似煮過頭咁。肉太韌🍖菜太黃🥬失望😟
熟食
77 views
0 likes
0 comments
甜品方面，蛋糕🍰、餅仔都係喺櫃入面，有職員幫手攞。呢點對於衞生嚟講唔錯，亦可保持甜品嘅賣相。
至於味道，真係超失望😮💨
除咗豆腐芝麻芝士蛋糕，其他都唔好食
最恐怖係個芒果慕絲🥭，係酸到完全食唔到。我都唔知西餅師傅推出呢款蛋糕前，有冇試食過先出。
好彩佢有MOVENPICK雪糕🍦提供，有五款味—士多啤梨🍓、瑞士朱古力🍫、薄荷碎朱古力🍃、咖啡☕️、雲尼嗱🍨，食完都冇咁嬲
甜品仲有糖水、豆腐花、葡撻、煎堆。不過我太飽就冇食到。同枱嘅就話豆腐花都幾好味。
呢個自助午餐正價係$468，另收加一。但用滙豐、恆生、中銀信用卡有85折，加一照正價收費。所以折後一人就$444.6。
抵唔抵食就好睇人啦。如果鍾意食生蠔🦪、刺身🐟、雪糕🍦之類生冷嘢嘅話就幾抵嘅，佢哋海鮮鮮甜，淨係任食即開生𧐢呢點都夠抵啦。如果鍾意食熟食🍲、蛋糕🍰嘅話，呢度可能唔太啱你，佢哋雖然有好多熟食、蛋糕選擇，但大部分都真係唔係幾好食，唔值四百幾蚊呢個價錢。
環境方面係好唔錯嘅，餐廳設計光鮮開揚🔆唯一差啲嘅係地理位置決定嘅景觀問題。
餐廳有各種設計嘅大枱細枱，滿足到唔同人數嘅聚餐。
員工服務方面，喺餐廳入面員工嘅禮貌係幾好嘅。但入去食之前就唔係幾好喇
由於今次係即興，門口又冇寫用餐時間同價錢，就臨時問餐廳門口嗰兩個職員。當時午餐時段已開始，佢哋傾緊閒計明顯係得閒嘅，但態度依然係好唔耐煩。直到決定咗食，佢哋先突然露出友善嘅笑容
我都明白有惠顧嘅先算係顧客，但做得餐廳接待，用啲咁差嘅態度對潛在顧客嘅查詢真係好趕客。畢竟有幾多人會時間價錢都唔問就入嚟食呢？今次如果唔係好肚餓，查詢嗰陣佢哋咁嘅態度，我自己就真係會走人🤨
Post
