快樂小羊火鍋料理 (大鴻輝(荃灣)中心) (Closed)

突然想打邊爐，緊係要去荃灣大鴻輝揾下啦，因為呢度有好多火鍋店林立㗎。快樂小羊新開張，主打羊肉又有折扣優惠，未試過就試下啦。入到嚟，環境乾淨，座位舒適， 裝修有啲特色， 成餐飯坐得都幾舒服。有幾樣餸可以推薦一下嘅。里脊肉， 上菜時用冰碗盛載，精緻特別。肉質有啲似滑牛，但係其實係羊肉黎，味道都唔錯，唔會太肥。毛肚， 即係牛栢葉，一個字: 爽。手打三滑，有蝦滑，墨魚滑， 羊肉滑。 必試，又爽有咬口，好食過普通肉丸。至於熟食就唔係好推介啦羊肉串，肉粒偏細，較乾鞋口。韮菜薄盒，偏油， 餡料偏鹹。整體服務幾好，加茶收碟都好快手。折後價錢合理，仲送優惠券下次使用。