Video
Read full review
2022-02-07
45 views
📍棠記海鮮小廚 - #YFF屯門 💎-前排同朋友去左浩和街打卡 之後就去左三聖食海鮮😋 呢間餐廳除左海鮮之外亦有其他小菜可以選擇 十足十以前老香港避風塘既感覺😍 想食海鮮既大西北朋友有多個選擇lu😜-💡招牌菠蘿咕嚕肉（$108）呢個咕嚕肉幾特別 菠蘿冇好似平時咁落埋鑊一齊炒反而係成舊切片擺係隔離 仲輕輕炙燒過表面🔥🍍賣相一流之餘 對唔鐘意生果入饌既朋友就啱曬喇😝 菠蘿雪到凍冰冰 再配合番咕嚕肉熱辣辣既脆口感覺 好夾‼️菠蘿本身好甜又冇渣 單食都正 而咕嚕肉好掛汁 肉肥瘦適中 咕嚕汁唔會話太甜太酸 呢味餸就算唔配飯食都唔會好漏😋-💡豉油皇大蝦 ($時價)一上菜已經聞到好誘人既爆炒豉油皇香味😳 鑊氣十足‼️蝦碌大大隻 肉質爽口彈牙 一啲都唔霉 🦐味道方面 蝦肉幾juicy 但蝦既鮮味唔算好重 外皮煎得香脆 咬落一陣陣既豉油油香 亦有少少既xo醬避風塘味～火候十足 所以幾惹味‼️要知一隻蝦新唔新鮮就食蝦頭 今次蝦頭位冇腥臭味 啲膏既味道都幾濃郁下😋好難得係出面食蝦係連個蝦頭都好味！-💡脆皮鮑魚 ($時價)鮑魚既size一啲都唔細隻 應該都有5 6頭😝 所以幾抵食😚師傅將成隻鮑魚配椒鹽炸完之後再上碟
-
前排同朋友去左浩和街打卡 之後就去左三聖食海鮮😋 呢間餐廳除左海鮮之外亦有其他小菜可以選擇 十足十以前老香港避風塘既感覺😍 想食海鮮既大西北朋友有多個選擇lu😜
-
💡招牌菠蘿咕嚕肉（$108）
呢個咕嚕肉幾特別 菠蘿冇好似平時咁落埋鑊一齊炒
反而係成舊切片擺係隔離 仲輕輕炙燒過表面🔥🍍
賣相一流之餘 對唔鐘意生果入饌既朋友就啱曬喇😝
菠蘿雪到凍冰冰 再配合番咕嚕肉熱辣辣既脆口感覺 好夾‼️菠蘿本身好甜又冇渣 單食都正 而咕嚕肉好掛汁 肉肥瘦適中 咕嚕汁唔會話太甜太酸 呢味餸就算唔配飯食都唔會好漏😋
-
💡豉油皇大蝦 ($時價)
一上菜已經聞到好誘人既爆炒豉油皇香味😳 鑊氣十足‼️
蝦碌大大隻 肉質爽口彈牙 一啲都唔霉 🦐
味道方面 蝦肉幾juicy 但蝦既鮮味唔算好重 外皮煎得香脆
咬落一陣陣既豉油油香 亦有少少既xo醬避風塘味～
火候十足 所以幾惹味‼️
要知一隻蝦新唔新鮮就食蝦頭 今次蝦頭位冇腥臭味 啲膏既味道都幾濃郁下😋好難得係出面食蝦係連個蝦頭都好味！
-
💡脆皮鮑魚 ($時價)
鮑魚既size一啲都唔細隻 應該都有5 6頭😝 所以幾抵食😚
師傅將成隻鮑魚配椒鹽炸完之後再上碟 呢個整法幾特別😍
鮑魚肉質幾爽 完全唔會韌到咬唔開👍🏼
味道方面 椒鹽味較重 有少少蓋過左鮑魚本身既鮮味 相信調味輕手返少少一定更加正🤩
-
💡上湯豆苗 ($時價)
冬天就係食豆苗既季節😙豆苗既份量都幾多 而且幾鮮嫩
豆苗配埋上湯一齊食 感覺幾清淡解膩 而且好暖胃 凍冰冰既季節食好啱☺️
-
呢度除左有得叫小菜之外 亦有得自己係旁邊買海鮮黎加工 加工既方法都幾多元下 今次餐廳既處理方法都幾唔錯👍🏼
而且價錢絕對合理 黎呢到食好過去西貢鯉魚門俾人劏啦🤪
-
📍地址：
屯門三聖村豐漁樓地下10-11號
Post
