蘭特餅店

Open Now

Now Closed

成日去買餸都經過呢間舖頭，開頭以為麵包舖，原來食甜品蛋糕，小朋友見到舖頭有跳飛機，跳下跳下入咗去，見到佢有好多曲奇，原來全部都係手做曲奇，買咗兩罐試下，曲奇真係幾好食，小朋友鍾意食綠茶味，食入口好鬆脆，而我就鍾意食咖啡杏仁脆片，比較硬身，我鍾意佢嘅口感，脆卜卜好好味。另外我仲買咗幾款蛋糕，第一次食燒蛋糕，感覺都幾特別，不過我最鍾意都係芝士蛋糕，入口好軟滑，而且好香濃嘅芝士味。見到門口推介有花膠甜品，見佢都唔算太貴，楊枝甘露唔會太甜，打開聞到好香，最精彩係真係見到大大嚿花膠，成個感覺好滋潤，今次買咗小朋友鍾意食嘅口味，我見到佢另外有人蔘同埋桂花味道，下次要買來試埋佢。