東大門韓國料理 (Closed)

同朋友約食飯要考慮食咩都係一門學問。同一大班男人食飯呢，就要揀D食肉獸既地方啦！任食既韓燒，岩啦掛！一坐低重慢慢落緊單既時候已經整碟海鮮比我地燒住先！扇貝丶蜆丶蝦，快快手燒就可以快快手食，呢個就係燒海鮮既好處。朋友係我燒緊既時候就去左出去熟食區度囉左成多野食番黎，但係因為太餓去食都影唔切相。除左相中既炸魷魚鬚之外，重有咖哩魚旦丶關東燒丶壽司等等！五分鐘，五分鐘就食得啦！海鮮當然要燒熟D，否則肚痛點算？因為太餓，所以就叫多個泡菜煎餅頂住肚先！份量十足，味道適中唔會太咸！唔錯！食完海鮮就要食下肉啦！肉類的調味唔算太濃，油脂味都幾強烈！岩哂我！配埋口啤酒，正！大大塊既五花肉超級吸引，好Juicy又夠Fatty，大愛！肉質幾腍，加上燒香左既油脂味，正野！