Video
Read full review
2023-06-15
3761 views
平時收工，多數都約埋女友小熊係鵝頸橋底過海巴士站等，一齊返九龍，今日唔知咩事! 三條過海巴士站都排滿人長長人龍! 再去 Apps 睇睇，三條過海巴士線都話延遲埋站，估計有交通意外發生啦!小熊提意，一係轉坐地鐵，一係去鄰近食飯消磨吓時間，最後決定搵間餐廳坐底食 Dinner，因為好鬼熱嘛! 登龍街就係對面，果到又多餐廳食巿又近，於是行去睇吓有咩心水，經過麵尊，小熊話好耐無食過車仔麵，於是推門入去幫襯.首先冷氣足夠! 爽YY!好鍾意點車仔麵果種感覺，好似食 Buffet 想食咩就填咩，但價錢平過食 Buffet，所以每次食車仔麵最少點五款菜.我無咩選擇困難症，點咗豬大腸紫菜五香牛腩蠔油冬菇雞中翼炸魚皮，想後先點午餐肉.小熊點美味齋蘿蔔咖哩牛栢葉咖哩魷魚貢丸同雞中翼.點餐紙上居然有 "多蔥" 可以選擇，哩個選擇簡直難能可貴! 我同小熊都揀選米粉，米粉都有粗幼之分，我鍾意食幼身，麵尊嘅米粉尚算幼身，夾自己口味.豬大腸同蠔油冬菇出色，同樣夠冧夠入味! 雞中翼用D比較大隻嘅貨色，唔係KFC老麥果D偷工減料雞仔級翼仔，不過如果雞翼焗一焗 or 煎一煎相信更香口更惹味.炸魚皮無入潮，夠脆口.五香牛腩有
小熊提意，一係轉坐地鐵，一係去鄰近食飯消磨吓時間，最後決定搵間餐廳坐底食 Dinner，因為好鬼熱嘛!
登龍街就係對面，果到又多餐廳食巿又近，於是行去睇吓有咩心水，經過麵尊，小熊話好耐無食過車仔麵，於是推門入去幫襯.
首先冷氣足夠! 爽YY!
好鍾意點車仔麵果種感覺，好似食 Buffet 想食咩就填咩，但價錢平過食 Buffet，所以每次食車仔麵最少點五款菜.
我無咩選擇困難症，點咗豬大腸紫菜五香牛腩蠔油冬菇雞中翼炸魚皮，想後先點午餐肉.
小熊點美味齋蘿蔔咖哩牛栢葉咖哩魷魚貢丸同雞中翼.
點餐紙上居然有 "多蔥" 可以選擇，哩個選擇簡直難能可貴!
我同小熊都揀選米粉，米粉都有粗幼之分，我鍾意食幼身，麵尊嘅米粉尚算幼身，夾自己口味.
豬大腸同蠔油冬菇出色，同樣夠冧夠入味! 雞中翼用D比較大隻嘅貨色，唔係KFC老麥果D偷工減料雞仔級翼仔，不過如果雞翼焗一焗 or 煎一煎相信更香口更惹味.
炸魚皮無入潮，夠脆口.
五香牛腩有特式，唔係D一舊舊硬實實牛腩，口感鬆軟又入味.
最後揀選午餐肉，原因係次次揀午餐肉，次次都係薄依依薄過日用裝! 但吸水力就超強，收成十蚊八蚊! 好鬼無良! 所以總覺得唔抵! 相反今次麵尊嘅午餐肉竟然係厚切! 第一次係車仔麵檔食到厚切午餐肉! 厚過夜用裝! 有相有真相! 感動!
其實食到一半，門口已經開始有客等位拉龍，於是快快食完清個位出嚟，唔好阻人做生意.
Post
