Video
Read full review
2021-09-02
273 views
中環居酒屋酒吧 Say Hi Bar & Dining菜式選擇唔算好多，但勝在加左啲fusion嘅元素，有唔少創新嘅配搭：窩蛋和牛一丁pizza 、香蔥煎蠔小薄餅等等~ 好多都好岩送酒！餐廳裝潢簡約時尚，以木色為主調。樓底高，即使枱同枱之間距離唔算太遠，都無乜壓迫感。更設有露天座位同吧枱位，想坐係室外chill一chill 定係 一睹調酒師嘅技藝都完全無問題。除左SayHi signature cocktails，仲有得個人化調酒！▪️甲羅燒 • 鰹魚飯團 $138甲羅燒蟹膏鮮味滿溢，絲絲蟹肉、粒粒洋蔥、三文魚籽，就咁食都幾爽~ 鰹魚飯團比一般嘅紮實，不過都唔會太硬太乾，飯粒分明有咬口，比起常見嘅梳打餅更為匹配。▪️慢煮厚切日本四元豚肉 • 薯蓉 • 肉桂蘋果 $238厚切豚肉相當有驚喜！雖然望落好似煎得好乾，但切落去個下就知咩料！豚肉經慢煮，肉質軟嫩多汁有咬口，肥膏位一啲都唔韌，滿口油香。配埋酸中帶甜嘅玉桂蘋果粒，可以一解油膩感。薯蓉軟滑綿密，加左粒粒薯仔，令口感無咁單調，略嫌忌廉味偏重 (個人鍾意富奶香嘅薯蓉多啲)。▪️香蔥煎蠔小薄餅 $88蠔煎得岩岩好！飽滿多汁，香口之餘唔會太燶。估唔
菜式選擇唔算好多，但勝在加左啲fusion嘅元素，有唔少創新嘅配搭：窩蛋和牛一丁pizza 、香蔥煎蠔小薄餅等等~ 好多都好岩送酒！
餐廳裝潢簡約時尚，以木色為主調。樓底高，即使枱同枱之間距離唔算太遠，都無乜壓迫感。
更設有露天座位同吧枱位，想坐係室外chill一chill 定係 一睹調酒師嘅技藝都完全無問題。除左SayHi signature cocktails，仲有得個人化調酒！
▪️甲羅燒 • 鰹魚飯團 $138
甲羅燒蟹膏鮮味滿溢，絲絲蟹肉、粒粒洋蔥、三文魚籽，就咁食都幾爽~ 鰹魚飯團比一般嘅紮實，不過都唔會太硬太乾，飯粒分明有咬口，比起常見嘅梳打餅更為匹配。
▪️慢煮厚切日本四元豚肉 • 薯蓉 • 肉桂蘋果 $238
厚切豚肉相當有驚喜！雖然望落好似煎得好乾，但切落去個下就知咩料！豚肉經慢煮，肉質軟嫩多汁有咬口，肥膏位一啲都唔韌，滿口油香。配埋酸中帶甜嘅玉桂蘋果粒，可以一解油膩感。薯蓉軟滑綿密，加左粒粒薯仔，令口感無咁單調，略嫌忌廉味偏重 (個人鍾意富奶香嘅薯蓉多啲)。
▪️香蔥煎蠔小薄餅 $88
蠔煎得岩岩好！飽滿多汁，香口之餘唔會太燶。估唔到底下嘅小薄餅又幾岀色，外層帶點酥脆，質地軟熟。調味恰到好處，香蒽唔會過於霸道，唔會蓋過咗蠔嘅鮮味。
▪️香煎帶子 • 紅燒肉 $88
帶子煎至半熟，質地軟滑有彈性。紅燒肉外層煎得香口，但最邊邊嘅肉就較為乾柴。半肥瘦嘅位置成功保留肉汁，脂香突岀。兩者分開食都有唔錯嘅表現，但就未能感受其相得益彰嘅效果。
𝒮𝒾𝑔𝓃𝒶𝓉𝓊𝓇𝑒 𝒞𝑜𝒸𝓀𝓉𝒶𝒾𝓁
▪️𝙄𝙍𝙄𝙎𝙃𝙈𝘼𝙉 $108
𝘑𝘢𝘱𝘢𝘯𝘦𝘴𝘦 𝘸𝘩𝘪𝘴𝘬𝘦𝘺, 𝘛𝘪𝘢 𝘔𝘢𝘳𝘪𝘢, 𝘍𝘳𝘢𝘯𝘨𝘦𝘭𝘪𝘤𝘰, 𝘌𝘴𝘱𝘳𝘦𝘴𝘴𝘰
這杯雞尾酒竟是熱的~ 威士忌跟咖啡同樣濃烈，卻沒有互搶風頭。甜度低，是很大人口味的一杯。
▪️𝙉𝙄𝙃𝙊𝙉 𝘾𝙄𝙏𝙍𝙐𝙎 $118
𝘚𝘢𝘬𝘦, 𝘊𝘰𝘪𝘯𝘵𝘳𝘦𝘢𝘶, 𝘠𝘶𝘻𝘶 𝘏𝘰𝘯𝘦𝘺, 𝘠𝘶𝘻𝘶 𝘉𝘪𝘵𝘵𝘦𝘳𝘴甜甜的很易入口，淡淡柚子香，很適合女孩子~
整體嚟講，每一道菜式都幾有水準，火喉、調味都恰到好處，慢煮厚切日本四元豚肉超有驚喜！餐廳亦設有多款特色小食，送酒一流~環境舒適 唔會太噪，岩晒想同朋友飲返兩杯又想傾下計嘅大家。值得一試！
Post
