不toast不快 (Closed)

去葵廣必定會"掃街", 特別係3樓嘅美食集中地, 總會發掘到隱世小食。今日就發現左間主打韓式吐司, 望下Menu上嘅食物相, 見每款吐司都相當豐富, 就買黎試試!所有吐司即叫即整, 所以要預返少少時間啊!我揀左西班牙黑牛配香草碎茄醬吐司吐司麵包搽上牛油, 稍為烘過, 夾住豐富食材, 再淋上茄醬,但因為夾得太大厚, 個口唔夠大一口咬, 所以所有野都係分開食,黑牛肉鹹香、芝士整塊上, 炒蛋好滑, keep到蛋汁, 爽脆椰菜絲吐司結尾夠哂飽肚!另外+$16追加左意大利芝士飯波波 X 4粒表面炸得酥脆, 內有飯香有濕潤, 配上芝士醬, 既香口又帶些少芝士鹹香。