北角四眼妹美食屋 (Closed)

四眼妹美食屋，北角一間有heart小食店。招牌小食有雞蛋仔及格仔餅，我叫了一個傳統口味的格仔餅（$23），格仔餅即叫即製，非常厚身，醬料滿滿，有我最愛的花生粒、煉奶、牛油等，下午茶食一個都好飽肚。除此之外，我見呢度有非常多雞蛋仔/格仔餅口味，主要分別在用上不同醬料，例如開心果醬格仔餅，感覺好特別。老闆娘另外推介至尊組合小食套餐，魚蛋燒賣腸粉加自製豆漿（$28），魚蛋的咖哩汁幾香，豆漿有豆味，真材實料。