北角四眼妹美食屋 (Closed)

今日清手機相簿時見到呢間以前成日食果間小店💚開心果格仔餅嘅相，於是心血來潮上黎OpenRice想睇下佢有冇重出江湖🙈 其實我平時冇打卡習慣，但第一次食到一半覺得太好味了，所以先影相低佢毒下d fds，唔知佢地有冇比我毒到，但我就中哂毒成日食，咁就過左3年，而我仲未遇到一間整開心果格仔餅整得好味過四眼妹嘅小店⋯其實佢嘅燒賣都好好食，個醬汁油左啲但真係好惹味，咁有heart嘅小店冇左真心好可惜，但慶幸佢曾經存在過🫶🏻

格仔餅⁣⁣- 餅底、餡料有多味選擇⁣- 餅底蛋漿香甜，非坊間水溝麵粉可比⁣- 餡料由外國入口，風味獨特，份量超大，保証醬爆⁣⁣🍲足料特辣咖喱麵筋⁣⁣- 嗜辣者必試，怕辣者慎入⁣- 秘制咖喱，有紅青辣椒碎，辣得過癮又有咬口⁣- 每碗8大件，質素穩定⁣- 圖6老闆娘Winnie 入鏡 XD ⁣⁣🍢🍡 招牌咖喱魚蛋⁣- 上述咖喱汁配彈牙魚蛋，多料潮式辣椒醬⁣小店於2019年開業，本身熱愛街頭小食的店主Winnie由打工一族半途出家，毅然開店；出品件件足料大件抵食。可惜最近半年先由朋友介紹之下幫襯，相逢恨晚（淚）⁣

開心果格仔餅🥳呢間鋪頭會有啲難搵，位置非常隱蔽，在內街，大家要同一個識搵路的朋友先好去😂😂抹茶格仔餅+開心果醬本人係nuts控，見到大家推呢間嘅開心果格仔餅，所以決定去試下。非常足料，見到有非常多嘅開心果醬，但係成件事都幾甜下，你要預咗係甜，要拎定支水😂抹茶餅皮冇咩味，被開心果醬的味掩蓋咗，食唔到抹茶味。原味格仔餅+朱古力餡如果唔想幫襯媽咪雞蛋仔，可以試下呢間。每粒都有朱古力醬，食落好幸福。不過又係甜😂😂最最最重要係，不論格仔餅定雞蛋仔，都係脆架🤤而且係即叫即整。

呢間小食店位置好隱蔽，係炮台山一個唔係好起眼嘅內街，但係見之前燒賣關注組話個燒賣唔錯，佢嘅招牌開心果醬格仔餅又有好多人推介，呢日都嚟試下買返屋企食。呢度仲有好多味道嘅雞蛋仔、撈麵、腸粉等小食，仲有酸辣粉，選擇好多，去到嘅時候真係幾眼花繚亂。原味格仔餅+開心果醬開心果醬要另外加錢，但係一定係必叫，雖然拎返屋企已經唔係新鮮熱辣脆卜卜，不過格仔餅夠晒厚，咬落好有口感，開心果醬有好多，多到漏出嚟，質感杰身，味道好香，仲有少許開心果粒係入面，果然係招牌。燒賣燒賣一定要叫辣，呢度嘅辣醬唔係平時普通嘅豉油辣油，而係麻辣汁，鹹度剛好嘅豉油加埋夾雜好多辣椒同香料碎嘅麻辣汁，麻香十足，辣度啱啱好唔會太辣太嗆，好惹味，燒賣都幾彈牙，係可以encore嘅燒賣。人均消費：$40推介指數（10分為滿分）：8.5分

有邊個同我一樣都咁鍾意食格仔餅🧇🙋🏻‍♀️話說嚟開北角，朋友就想試下呢間小食店，因為喺網上面見到好多人都大讚佢嘅開心果醬格仔餅($29)。除咗格仔餅之外，佢都仲有好多其他小食，好似魚蛋燒賣呀腸粉麵食等，連豬手都有。所有order即叫即製，我地等咗大概10分鐘左右。格仔餅都幾厚身，食落外脆內軟，仲有淡淡蛋香。開心果醬唔算好濃味，我地就覺得有啲太甜。個人嚟講我就覺得還好，如果去開北角可以試下嘅～

之前係ig見到有foodie介紹已經好想試下，咁岩今日有野做黎左北角就去朝下聖😆。叫左個原味格仔餅加開心果醬，平日下午時間黎到唔算好多人，不過都等左十分鐘。格仔餅非常鬆脆，而最期待嘅當然係個開心果醬，醬料係店舖原創，最驚喜係原來醬料入面都食到粒粒嘅開心果，而店主都茶左好多醬落去😋。店舖內仲有其他小食，下次有機會要試下！💰原味格仔餅$23+開心果醬$6

📍北角四眼妹美食屋 ᵂᴵᴺᴺᴵᴱ ᵞᵁᴹᴹᵞ ᴴᴼᵁˢᴱ (北角) 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:💛 原味格仔餅 ($23) + 開心果醬 (+$6) 【⚠️開心果迷注意‼️】一直都大愛開心果既我喺IG上面見到有人share就忍唔住過黎朝聖啦！🤤 原味格仔餅蛋香味十足，仲做到外脆內軟！格仔餅入面有大量既開心果醬，味道香濃，而且仲會有開心果碎。食落覺得超級幸福🥰，成個口都充滿住開心果味，但係又唔會覺得太漏，不過d醬再返少少就好啦keke😏！𝑨𝑫𝑫𝑹𝑬𝑺𝑺:📍北角電廠街15號聯和大廈地下C1號舖Shop C1, G/F, Luen Wo Apartments, 15 Tin Chong Street, North Point

今天終於有機會來到大嫂介紹的北角店舖試試其豉油王腸粉。此店舖面細細，但所售的食物，多不勝數- 麵食、魚旦、豬皮、鹵蛋、肉燥飯、燒賣、牛丸、腸粉、墨魚丸、無骨鳳爪、腸仔、雞蛋仔和格仔餅等等。第一次來到，真是眼花撩亂，不果今次我二話不說，便外賣了我想吃的$20腸粉和媽媽分享。細心的店主首先便問我幾多人吃這腸粉，她說一人吃的話便一定過多了。回答過後，大家都認為十條腸粉，二人分享便不成問題了。回到家中，一打開環保紙盒後，頓時便明白了店主的擔心。十條腸粉擠滿了整個盒，極其有份量。最可喜的是此店對醬汁毫不吝嗇，每一片腸粉也有足夠的醬汁伴來吃。特製的豉油果然討人，一點也不會過鹹，再配上多多的芝麻，真令人滿足。後記：打開Open Rice 網頁，看見大部份的介紹是此店的格仔餅，他日有機會的話，定必要買來試試。

之前試過一次開心果醬，覺得味道比較一般。今次經過想食留意到有脆餅肉桂焦糖口味，好似幾特別出面無點見過，就試下。其實唔係好食到肉桂味，感覺似有脆餅嘅朱古力醬多啲，但少有一間我覺得醬係足嘅☺️☺️同埋咬到啲脆餅都幾得意。但唔知點解有浸油益味🤢唔知係底格仔餅定啲醬嘅問題☹️

👩🏻‍🤝‍👨🏼北角覓食又到咗11月死亡月，溫書溫到頭爆🥸 每次呢個時候我就一定要食返啲甜嘢開心吓😇今次又係北角出動，簡單食個格仔餅補充下安多酚🥢原味格仔餅店員即落單即製，耐心等一下脆香格仔餅就送上😚落單個陣要求佢多煉奶，店員都好友善應承，偷望到佢搽醬好有心機真係搽滿滿🤩熱辣辣格仔餅厚得嚟脆卜卜，睇住佢出面播嘅訪問呢度出名爆餡，咬落香甜仲有少少脆脆地嘅花生粒😍 如果唔係一個人食完套飽一定要再追加其他預食😌食到停唔到口

Didn’t know there is such an outstanding egg puff waffle place in north point ! There are vary flavour like chocolate chips, green tea etc. Smell and taste really good. Egg puff is crispy on the outside and soft inside. Will surely try their other snake food like Indo noodles or curry fish ball

之前在網上看過這個開心果醬格仔餅已經流曬口水，一直都想找個機會到北角試試。環境站在街頭，但尚算乾淨，起碼地上沒有一滴一滴油漬，可能店主用紙杯裝食物。原味格仔餅當然加$6 要開心果醬啦！店員即下單即製，等一會兒，熱辣辣的格仔餅就在手，打開見到開心果醬份量適中，還有一粒粒碎開的開心果，咬一口，脆脆的餅加仍然溶着的醬汁和開心果碎在口裏，口感豐富。我覺得吃1/4件就剛好，太多會覺得甜而膩。魚蛋燒賣街頭小食必叫這兩款，魚蛋的質地夠實，不是軟腍腍那款，醬汁微辣帶少許麻辣味，不會覺得油膩；燒賣沒什麼特別。

已經食過呢間好多次，每次都只會點格仔餅！呢間格仔餅比一般街食到既特別厚身😜👍🏽今次揀左抹茶味格仔餅配呢度最出名既開心果醬，每一次食都無失望, 即叫即制，吾洗排隊的話需時大慨5分鐘，熱辣辣, 餅底厚厚脆脆，裡面既開心果醬夠晒多，每一啖都好好味😍好豐富, 開心果醬中有粒粒開心果碎，好crunchy, 因為個醬太突出啦😋，所以抹茶味略嫌低調咗啲，應該點原味餅底已經好好味😛, 絕對推介呢度既格仔餅😋👍🏽

太好食唔記得影相🙂但係開心果格仔餅餡料100%真材實料。超。好。味。格仔餅香脆可口，外脆內軟。 個醬食到好香嘅開心果味，同埋一粒粒碎嘅開心果😋唔係我飽我真係唔介意食多個☝🏻同老闆傾左一陣計，知道佢每份雞蛋仔同格仔餅都好比心機整♥️其實做食客幫襯一定食得出老闆真係有研究過點先整得好食香港仲咁有心整一樣咁簡單嘅港式傳統美食嘅人已經越來越少🙁但係小店難做，可以有機會幫襯嘅一定要多啲去，希望老闆長做長有，生意興隆🏆Best pistachio waffle I’ve ever had in HK. The waffle was incredibly well cooked, crunchy on the outside and soft on the inside. The pistachio spread from Italy is very flavourable, just from the very first bite you can smell AND taste the crunchy pistachio nuts. It’s definitely a texture you wi

唔係好多地方有開心果產品所以之前好多人介紹呢間小食店嘅格仔餅🤣但原來呢度除咗雞蛋仔燒賣魚蛋仲有勁多小食，例如台灣肉燥腸粉，肉燥飯滷水產品。老闆超好人，店面放有搓手液然後係咁叫我地用黎消毒完雙手先好食嘢😇搽咗好多醬料😍👓開心果醬格仔餅 $29格仔餅本身$23 開心果醬+$6即叫即整等約5-10分鐘，係熱辣辣燙手🤤餅面頭脆卜卜，餅底好厚身但又唔會死實實，有空氣感嘅鬆脆，外脆內軟。個醬偏稠身，係有開心果味同一粒粒開心果碎好有咬口，但偏甜，整體味道有少少似nutella 榛果醬😂店主唔孤寒搽咗好多醬，啖啖餅都佈有醬料🤤評分：8/10