Video
Read full review
2017-12-18
253 views
一個比較低溫中午相約加友人A & C到大埔街市熟食中心午餐,但由於友人C遲到,坐低都已經係兩點半了, 其中亦因為這裡係中午飯市客人好多, 旺的檔位多客人要四個人一次過坐低有難度, 所以等位也等了10分鐘左右, 坐低二話不說四碗豬扒麵, 而被伙計安排坐落的是另一家蘇記奶茶的檔口, 禮貌上也是要叫杯飲品嘅, 你亦可以話:唔叫唔得咩? 可以嘅但始終呢D潛規則, 作為香港人識做嘅! 下面再講某些特別例子!炸豬扒麵就梗係講返件炸豬扒啦! 由於客人多, 製作須時係理解嘅, 大概等咗二十分鐘左右四碗一次過上來, 炸豬扒是另外一個碗裝上, 有些一碗係一件有些則兩件沒有標準, 炸色係好金黃完全沒有過火炸衣面亦顯示出沒有用老油炸東西, 一定程度上是合格了, 新鮮起鑊的油炸物外層脆口, 不過中間件豬扒其實是不足1cm.厚, 但炸漿內的泡打成分令外皮澎漲至差不多2cm.以上, 厚豬扒只係視覺上的錯體效果而己,而豬扒的肥羔沒怎樣除去, 食落比較油膩因為外皮炸衣的油加埋內裡的油脂一併吃下的緣故, 瘦肉部份則普通豬柳肉那樣沒爽口感, 有客人只食件豬扒，面同菜通通唔食, 唔通等太耐食慾消失咗? 湯麵的湯是白開水似的湯
炸豬扒麵就梗係講返件炸豬扒啦! 由於客人多, 製作須時係理解嘅, 大概等咗二十分鐘左右四碗一次過上來, 炸豬扒是另外一個碗裝上, 有些一碗係一件有些則兩件沒有標準, 炸色係好金黃完全沒有過火炸衣面亦顯示出沒有用老油炸東西, 一定程度上是合格了, 新鮮起鑊的油炸物外層脆口, 不過中間件豬扒其實是不足1cm.厚, 但炸漿內的泡打成分令外皮澎漲至差不多2cm.以上, 厚豬扒只係視覺上的錯體效果而己,而豬扒的肥羔沒怎樣除去, 食落比較油膩因為外皮炸衣的油加埋內裡的油脂一併吃下的緣故, 瘦肉部份則普通豬柳肉那樣沒爽口感, 有客人只食件豬扒，面同菜通通唔食, 唔通等太耐食慾消失咗? 湯麵的湯是白開水似的湯, 所以通常落單阿組會建議加炸醬或者搾菜填補湯頭的味道不足, 每碗湯麵還會有一至兩伙條菜心點綴一下, 但估佢唔到呢條菜心反而好有菜的甘甜味喎! 不過亦有客人食晒所有的肉同面剩下兩條菜心, 唔通怕食到農藥？麵則有上海粗麵,米線同廣東生麵但無上海幼麵!
馳名炸豬扒麵試過了, 如果湯底做得有味一點, 豬扒質素再好一點的話, 都會覺得現價是值得等一下的, 不過即使係現在的質素似乎都能滿足到市場上的大多數客人的要求, 如果我係老闆都會覺得, 咁都收錢收唔切啦! 點解重要諗計?
杯奶茶就真的是好普通啦, 14蚊係俾座位錢吧, 最有趣的是那個糖盎唔知係唔夠定係有客人會連糖盅都帶走! 客人一落完糖即被收走, 好是奇怪!
題外話:當我們食到尾時有一男一女坐落, 男的是外籍人士, 女的是懂廣東話的後生女, 她安排男生坐下後, 行開咗一陣, 返來時手持兩杯外賣凍飲, 蘇記奶茶的伙計見狀即時提出意見, 話呢個檔口賣飲品唔可以喺呢度飲第二度買入來的飲品, 後生女話世紀嘅伙計同佢講叫佢坐呢度, 可以喺呢度食同飲, 咁我地唔飲囉! 女生講, 後來蘇記的伙計都同佢講:算啦!妳地想飲就飲啦! 其實呢d情況好難判斷對與錯, 不過, 如果安排他們坐低的阿姐提醒客人一聲, 講明坐低要在那裡叫返飲品的話,咪唔使出現咁尷尬的一幕囉!
Post
