Flamingo Bloom (Closed)

上個月係中環行行下街經過Flamingo Bloom。之前其實都經過幾次，不過見到條龍咁長，都唔想排隊。果日朋友話想試左呢間野好耐，咁我就陪佢試下啦。點知一試，有驚喜！我果日其實想食下午茶，因為有d餓，咁o岩見到佢好似promote緊呢個厚燒芝士多，就嗌件試下啦。我朋友叫左杯檸檬茉莉綠茶，多士跟餐叫加$29，都ok啦，價錢係中環黎講算合理。因為佢係即叫即烘，所以都等左一段時間。黎到嘅時候見到佢出哂煙，d芝士溶到就漏哂出黎!!!!仲聞到好香芝士味。個包真係幾厚，佢烘完之後外面有一條條烘過嘅痕跡，麵包外脆內軟，加埋熱辣辣嘅芝士，真係宜家見到都想再食。佢個芝士唔係淨係得芝士，仲有粟米粒同黑椒粒，幾野味。我同朋友一人一件，食完覺得岩岩好，唔會好漏或者好飽。