甜品工房 (Closed)

係厚福街簡單食左少少野，特登留肚去幫襯甜品工房。平時見門口排隊啲人多到去隔離舖，今晚早少少希望可以去朝聖下啦。等左十分鐘左右就入到去，裡面啲枱坐爆哂，真係好多人好受歡迎。叫左個紫葡之戀, 聽講係鎮店之寶，當然要試下啦。紫葡之戀好特別既提子沙冰，好香甜既提子味，伴隨沙冰上有不同配料：原粒葡萄，小丸子，同埋香芋雪糕糯米滋。沙冰上面亦有粒粒爆珠仔，食落口感覺好得意，好似食緊日本蟹籽刺身咁。整體黎講呢個甜品都幾好味，好香濃好甜既提子味，難怪係鎮店之寶，值得一試！另外仲叫左個椰皇天寒地凍當然要食個暖笠笠既甜品，好重椰子奶香味，裡面有幾位椰肉，仲有兩粒湯圓。個人認為餡料太少，如果多幾粒湯圓同椰肉會比較好，而椰殼上既椰肉亦好難整到落黎食，口感唔係好足夠，加上奶味太重，老實講未必個個接受到，有機會可以試下另一款^0^整體黎講，甜品工房唔算貴，食物外型已經抵返哂，下次無咁多人排隊會再試其他甜品！