La Postre (厚福街) (Closed)

成日行經尖沙咀厚福街都有見到呢間湖水綠色嘅西式餐廳， 門面設計得非常精緻。 今次同朋友就一時興起入去試下。✨ 黑毛豬火腿可樂餅（$40/2件）餐廳有多款唔同嘅tapas可以揀， 價錢都唔算貴， 我哋就嚟揀咗兩款廚師推介嘅試下。 呢款黑毛豬火腿可樂餅新鮮炸起，口感香脆，入面有忌廉醬同火腿粒，味道唔錯。✨ 慢煮雞胸羅曼斯可醬多士（$36）剛烘起嘅多士上放咗雞胸肉同車厘茄，味道正常。✨ 西班牙海鮮燉飯($328/2人份）西班牙燉飯喺餐廳嘅signature， 我哋就當然要點嚟試下啦。 本身都擔心過份量會唔會唔夠， 但二人分量絕對夠三個人食， 跟返上面加滿咗大量嘅海鮮， 如魷魚、帶子、海蝦、青口等，非常豐富。 我自己就覺得個燉飯煮得稍為淋咗啲， 但係我都幾鍾意佢喺入面加咗西班牙臘腸，十分惹味。✨ 西班牙聖地牙哥蛋糕（$58）其實我唔係好知咩係聖地牙哥蛋糕， 食落口感有少少是cupcake咁，帶有少許檸檬味同蛋香。