B-mix 燒肉餐酒館 (Closed)

上網睇片成日見到人北上食鰻魚，搞到@bili_blu 都想試下🤔🤔連回鄉證都冇嘅我發現其實唔駛過海關，去元朗已經有得食☺️呢間燒肉店門口就有一大缸鰻魚。我地兩個人叫左個二人餐（$638），有成條活宰鰻魚，燒肉拼盆（安格斯牛頸脊，牛舌，牛五花，黑豚豬腩，薩摩赤雞髀肉），沙律，蒜蓉牛油野菌，紫菜珍珠米飯，生菜包👀👀 其實個餐幾抵，兩個大食嘅人都食到勁飽。講番個鰻魚，@bili_blu 第一次自己燒嚟食。店員教燒左個肉先再燒個皮。我哋本住實驗精神，有一轉試下燒個皮先。發現燒岀嚟個皮冇咁脆。應該係因為如果你燒個皮先，個皮就會向內捲得好勁，變左好難燒得脆。😌😌自己即燒即食嘅鰻魚，皮脆肉又勁彈牙。加埋佢俾嘅白胡椒，食落又啲似土匪雞翼版嘅土匪鰻魚，真心好食。一舊鰻魚，搭個紫菜飯，點少少個檸檬汁，用生菜夾住嚟食，正！燒肉拼盆啲肉都高質。食到有少少膩，就叫左兩杯特飲！大推杯潽梅香，係用普洱茶加青檸同話梅整，清新解渴。另外杯百香果茶入面仲有爆爆珠，勁快隊哂成杯。