Video
Read full review
2016-07-27
918 views
兒時回憶，細個日日蒲荃灣同葵芳，係荃灣既街坊絕對識呢間老字號車仔麵，曾幾何時隔離係好好食既佳佳魷魚鬚。今日黎荃灣好肚餓想搵野食，結果行左入去榮安，貪佢叫幾點食幾多，唔使咁飽～而家度度食車仔麵既麵底都要$7或$9，分分鐘買$40車仔麵食完都唔飽又唔好食。呢度仲保持街坊價，不過相對地麵底分量比平時少1/3，而有D餸都仲係比出面平，豬大腸、雞翼果D肉類都係用滷水煮～滷水汁好夠味，雞翼好似燒臘舖既滷水雞翼咁，係全翼。豬大腸洗走曬肥膏，無異味，魚蛋豬皮亦唔錯，豬皮剪得太碎，份量又係好少。不嬲都知環境麻麻，好似熟食檔既環境咁，不過環境情況令人咋舌！檯面有好多食完食剩既碗一路攤係度無執過，一個阿姐負責企係度負責整野食，另一個阿姐企係度吉下魚蛋黎食，檯面、辣醬樽、筷子筒睇得出係千年漬，啲汁既漬似係10日8日係抹過！救命！夏日炎炎衛生情況咁差！如果客人太多員工太少一時執唔切可以理解，話曬只係小店。但當時店內只有2-3個客，個阿姐仲企係度乜都唔執，當時有5-6個碗擺係度，趕客都唔係咁丫....😓
今日黎荃灣好肚餓想搵野食，結果行左入去榮安，貪佢叫幾點食幾多，唔使咁飽～而家度度食車仔麵既麵底都要$7或$9，分分鐘買$40車仔麵食完都唔飽又唔好食。呢度仲保持街坊價，不過相對地麵底分量比平時少1/3，而有D餸都仲係比出面平，豬大腸、雞翼果D肉類都係用滷水煮～滷水汁好夠味，雞翼好似燒臘舖既滷水雞翼咁，係全翼。豬大腸洗走曬肥膏，無異味，魚蛋豬皮亦唔錯，豬皮剪得太碎，份量又係好少。
不嬲都知環境麻麻，好似熟食檔既環境咁，不過環境情況令人咋舌！檯面有好多食完食剩既碗一路攤係度無執過，一個阿姐負責企係度負責整野食，另一個阿姐企係度吉下魚蛋黎食，檯面、辣醬樽、筷子筒睇得出係千年漬，啲汁既漬似係10日8日係抹過！救命！夏日炎炎衛生情況咁差！如果客人太多員工太少一時執唔切可以理解，話曬只係小店。但當時店內只有2-3個客，個阿姐仲企係度乜都唔執，當時有5-6個碗擺係度，趕客都唔係咁丫....😓
Post
