小肥牛火鍋活魚專門店 (Closed)

一路都淨係知道小肥牛有得打邊爐，從來都唔知原來仲有粥底火鍋添。今次就去試下啦。呢個set有 啲海鮮可以揀，仲可以嗌啲普通火鍋配料添。個環境都幾開揚，唔會好逼，所以抽風都唔錯㗎。 就咁望落去個set都ok嘅,尤其係蟹係咁樣擺，好似幾吸引。其他火鍋配料就算一份，但其實份量都唔算好細嘅 呢度係兩個人嘅份量食完就唔會好飽但都唔會餓嘅，定係我地大食。點少得魚皮呢～我好鍾意食，脆脆又鹹香。 不過要講嘅就係粥底實在太稀太稀喇，就算加左粥膽都唔似粥。而且就咁加海鮮好腥。所以都係就咁淥左食就算，冇飲“粥”